Abakora ibizamini mu burezi batangiye kubihimba amazi bamwe ngo ni “Tour du Rwanda”

0
115

Nkuko buri mwaka uturere hafi ya twose mu gihugu tugenda dushyiraho imyanya ipiganirwa cyane cyane mu burezi, usanga umuntu  aba yaranditse asaba akazi dosiye ze akazijyana mu turere mu dutandukanye uko ajya gukora ibizamini ava mu karere ajya mu kandi ngo niyo mvano y’izina “Tour du Rwanda”.

Nyarugenge

Aho touchrwanda.com yagerageje kugera nko mu karere ka Nyarugenge, bavuga ko ntaho bitaniye n’amarushwa yo gusiganwa ku magare kuko wasangaga biteguye kuva Nyarugenge berekeza mu tudi turere.

Ngoma

Bamwe bati”Ni tour du Rwanda nyine, nonese reba ubu uyu munsi turi hano Nyarugenge ejo tuzaba twitegura kujya Burera gutyo gutyo kuzageza umuntu arangije ahantu hose yadepoje”.

Ibi biri kuba Leta y’u Rwanda ikomeje gushyira imbaraga mu gushishikariza abantu kwihangira imirimo, dore ko hagiye hashyirwaho n’ibigo bitandukanye byorohereza abantu kubona inguzanyo harimo nka BDF ifasha urubyiruko.

Burera

Gusa abatonda imirongo mu bizamini bavuga ko Leta ikwiye gukomeza gushaka ingamba zindi, kuko ikibazo cyo kikiri ingorabahizi, aho usanga n’ubwo bitabira ibizamini ari imbaga, imyanya ihatanirwa iba ibarirwa ku ntoki, ibi rero ugasanga n’ubundi ikibazo bikemura ari gito cyane ugereranyije n’abari bateze amaronko mu kazi bizeye gutungwa n’impamyabushobozi n’impamyabumenyi zabo.

Itegurwa ry’ibizamini by’akazi mu burezi biranugwanugwa

Abakora ibizamini kandi bakomeza kwinubira ko abategura ibi bizamini by’akazi usanga icyo kubahiriza amasaha ntacyo bibabwiye, cyangwa bakabangamirwa n’uko usanga ibizamini bikorerwa umunsi umwe mu turere dutandukanye, kandi hose bagombaga kuhagerageza amahirwe bityo bakaviramo aho iyo bigenze gutyo.

Ikibazo gikomeye kandi ngo nuko usanga isaha yo gukoreraho ikizamini igera hagashira amasaha Atari hasi y’atanu ibizamini bitarakorwa.

Bamwe mu bashinzwe gukoresha ibizamini bavuga ko itinda ryabyo rishingiye ku kuba ibyo bizamini bitegurirwaho mu rwego rwo kwirinda ko byakoperwa.

Nkurunziza Pacifique/touchrwanda.com

Leave a Reply