Abamotari ba Gicumbi ngo kubona ibyangombwa bya moto ni ingorabahizi

0
142

Abakora umwuga wo gutwara abantu kuri moto mu karere ka Gicumbi, baravuga ko bagorwa no kubona ibyangombwa by’ibinyabiziga byabo bizwi nka Autorization, kuko bifata igihe kinini babitegereje, ibi bakavuga ko bibagusha mu gihombo kubera gutakaza amatike menshi babikurikirana n’amafaranga y’ibihano rimwe na rimwe bacibwa kubera kutagira ibyo byangombwa.

Abamotari ba Gicumbi basiragira bashaka ibyangombwa bya moto
Abamotari ba Gicumbi basiragira bashaka ibyangombwa bya moto i Kigali

Aba bamotari bavuga ko kubona ibyangombwa bya autorisation bibakomerera kubera ko bibasaba gusiragira bajya i Kigali.

Bavuga kandi ko hari n’ibindi bibazo bahura na  byo mu gushaka ibyo byangombwa birimo guhanwa mu gihe batarabibona, Ibintu bavuga ko bibagusha mu gihombo bityo bakifuza ko bakegerezwa iyo servisi mu karere kabo kuko aribyo byatuma yihuta kuko ubu ngo bibasaba gutegereza igihe kiri hagati y’ibyumweru 2 n’amezi 3.

NKundineza yagize ati” bidufata igihe kitari gito kugira ngo tubone ibyangombwa bya Autorisation. Hari igihe bifata amezi 2,3 ,yewe hari n’abategereza umwaka kugira ngo babone autorisation”.

Uwitwa Irakarama na we yagize ati” bidusaba kujya i Kigali kugira ngo tubone autorisation, ibi rero bituma dutakaza amatike menshi tubyirukaho, twifuza ko iyi service yatwegerezwa mu karere kacu.”

Kuri iki kibazo Umuyobozi w’Intara y’Amajyaruguru Musabyimana Jean Claude avuga ko kwegereza abaturage servisi ari inshingano z’abayobozi, bityo ngo ikigiye gukorwa n’ukuganira na RURA aricyo kigo kirebwa n’icyo kibazo hagamijwe kureba uburyo cyakemuka.

Aragira ati ” iki kibazo ndumva dukwiye kugikorera ubuvugizi, dukwiye kuganira na RURA kugira ngo iyi servisi yagerezwe abamotari kuko mu Rwanda intego ni uko servisi zegerezwa abazikeneye”

Abakora umwuga wo gutwara abantu kuri moto bahamya ko kubonera ibyangombwa by’ibinyabiziga ku gihe, bibarinda guhanwa no kwihutisha iterambere ryabo kuko baba bakora ntacyo bikanga.

@Pacy-Nkurunziza

LEAVE A REPLY

Please enter your comment!
Please enter your name here