Amagambo yashize ivuga mu kwerekeza mu Bushinwa kwa Rooney

0
231

Rutahizamu w’ikipe y’igihugu y’Abongereza Wayne Rooney akaba n’umukinnyi ufite ibitego byinshi kugeza kurubu w’ikipe ya Manchester United amaze kubona ko akwiye guhindura amerekezo akajya gushaka ahari ifaranga aho yohereje umu agent we mu gihugu cy’Ubushinwa.

Rooney
Rooney amaze kurambirwa agatebe arifuza ahari agatubutse anakina

Paul Stretford ni umu agent wa Rooney kurubu akaba yafashe rutema ikirere yerekeza mu gihugu cy’Ubushinwa kujya mu biganiro n’ikipe zo muri iki gihugu ziri kuvugwaho kuba zifite agatubutse ziri kurekurira ku bakinnyi bakanyujijeho bari gushaka amasaziro. Uyu mu agent wa Rooney akaba yagannye muri iki gihugu ngo arebe ahazaza hu mukinnyi ashakira akaryo.

Rooney akaba ari gushakishwa bikomeye n’amakipe anyuranye yo muri iki gihugu cy’Ubwongereza aho biteguye gutanga agatubutse bakamwegukana mbere y’uko igura n’igurishwa muri iki gihugu rirangira kuwa Kabiri w’icyumweru gitaha w’itariki 28 Gashyantare.

Bamwe mu bakinnyi bagacishijeho muri iyi kipe ya Manchester United bakaba bagize icyo batangaza kuri aya makuru y’igenda rya Wayne Rooney yasakaye mu binyamakuru byo ku mugabane w’Iburayi cyane cyane mu Bwongereza.

Paul Scholes wigeze kuba rutahizamu w’iyi kipe ibihe birebire akaba atifuje ko uyu mugabo atahitamo kwerekeza mu bushinwa byibura yakabaye asubira aho yahoze cyangwa akigira muri Amerika ahari ubuzima budatandukanye no mu Bwongereza,  yagize ati: “Simbona mu Bushinwa nka amahitamo meza kuri we (Rooney). ni umugabo ufite umuryango byibuze yakabaye asubiye byibuze nko muri Evertoon agakina mo umwaka umwe cyangwa ibiri. cyangwa se akaba yajya muri Amerika naho ntago hamugwa nabi bitewe n’ubuzima bwaho.”

Michel Owen nawe wabaye rutahizamu w’iyi kipe akaba yashyigikiye icyifuzo cya Rooney avuga ko icyaba cyose ari umuntu mukuru wo kwifatira umwanzuro, yagize ati: “Nagatekereje ko buriya atifuza kugira ibyo yaganira n’umutoza we Jose (Mourinho), arabizi ko ashaka gukina buri gihe yakabaye agira icyo abwira umutoza we. Abashinwa baraje bahindura ibintu byinshi ku isoko ry’igura n’igurisha kandi nawe ubwe ari gutekereza ku hazaza he ndetse n’umuryango we.”

Mu kiganiro Roy Keane yahaye televiziyo ya ITV we yavuze ko ibya Rooney byo kujya mu Bushinwa abifata nkubusazi, yagize ati: “ Nta buryo na bumwe mbona bwatuma Rooney yerekeza mu Bushinwa, aracyashoboye kuba yakina mu makipe ya hano mu Bwongereza cyangwa se Ubudage, muri Espanye cyangwa se mu Butaliyani, kujya mu bushinwa afite imyaka 31 kuri njye ndumva ari nk’ubusazi.”

Ibinyamakuru byo bitangaza ko uyu ushaka akaryo wa Rooney ari kuganira n’aya makipe yo mu Bushinwa kuburyo Rooney yakwerekeza muri iki gihugu akajya ahabwa amafaranga y’umurengera atarabaho mu isi ya ruhago agera kuri Miliyoni y’ama Pounds buri cyumweru ndetse ko bitari burenze iyi mpeshyi uyu mugabo atagiye mu gihe mu ikipe ye ya Manchester atakibasha kubona umwanya ubanzamo.

 

 

Leave a Reply