Amapfa avugwa mu bihugu by’Afurika y’Uburasirazuba ashobora kugira ingaruka ku Rwanda

0
150

Mu gihe ibihugu byo muri Afurika y’Uburasirazuba hari kuvugwa ikibazo cy’ikirere kitameze neza, ku buryo ibihe byo mu buhinzi bishobora kugenda nabi, ngo ibi bishobora kugira ingaruka ku Rwanda mu gihe ikirere  cyaba cyagenze neza.

Ibihugu bituranye n’u Rwanda bishobora guhura n’amapfa
Ibihugu bituranye n’u Rwanda bishobora guhura n’amapfa

Nkuko bimaze iminsi bitangazwa n’ikigo cy’igihugu gishinzwe iby’iteganyagihe, ngo muri uyu umwaka ikirere gishobora kuzagendekera neza abahinzi bakeza, ariko na none hakaba hashobora kuvuka imbogamizi ku bukungu bw’igihugu mu gihe ibihugu byo muri Afurika y’Uburasirazuba byahura n’ikibazo cy’amapfa.

Mu kiganiro n’abanyamakuru ubwo Banki Nkuru y’Igihugu yabajijwe icyizere bafite ko ubukungu bw’igihugu buzagenda neza uyu mwaka, yavuze ko bimwe mu byizere bafite bagishingira ku byo ikigo cy’igihugu cyatangaje ko ikirere kizagenda neza.

Ku kibazo cyuko ibihugu bituranye n’u Rwanda harimo nka Kenya byatangiye kugira izuba ryinshi, Banki Nkuru y’Igihugu yatangaje ko bishobora kuzagira ingaruka ku Rwanda ariko idakanganye nkuko haba amapfa.

John Rwangombwa Guverineri wa Banki nkuru y'Igihugu
John Rwangombwa Guverineri wa Banki nkuru y’Igihugu

John Rwangombwa Guverineri wa Banki Nkuru y’Igihugu, avuga ko nubwo ibihugu by’abaturanyi byagira ikibazo cy’amapfa bitashakira ibyo kurya ku Rwanda, ahubwo byasaba kujya ku masoko mpuzamahanga.

Yagize ati:”Nibyo turamutse twejeje ibindi bihugu duturanye bikagira ikibazo cy’amapfa, hashobora kuba ikibazo ariko ntekereza ko iyo umuturage agiye kujyana ibiribwa ku isoko, hari ibyo aba yibikiye byo kurya ariko kandi si ikibazo gikanganye  byari kuba ari ikibazo tuvuga tuti hashobora kuba amapfa ikindi kandi nka Kenya igiye gushaka ibyo kurya, ntiyabishaka ku rwego rw’u Rwanda byasaba kujya ku rwego mpuzamahanga kuko bakenera ibiribwa byinshi”.

Umwaka ushize igipimo cy’ubukungu bw’u Rwanda cyazamutseho 6%, iki gipimo ngo kikaba aricyo Banki Nkuru y’Igihugu yari yihaye kuzazamukaho, kugeza ubu ntiharashyirwaho ikindi gipimo cy’ubukungu uyu mwaka wa 2017 kikazatangazwa muri uku kwezi kwa gatatu.

Nkurunziza Pacifique/touchrwanda.com

Leave a Reply