Biryogo ubujura buterwa n’ikiyobyabwenge cya mugo bumaze gufata indi ntera-AMAFOTO

0
268

Zimwe mu nsoresore zitera abantu ibyuma zikabambura utwabo zikajya kwihisha mu muferege w’amazi mu gace ka Biryogo inzego zose z’umutekano nyuma yaho zongeye kwaka umusore telefone igendanwa mu kumukurikira akaburirwa irengero ndetse n’uwa yimutwaye zabahagurukiye bikomeye.ubujura biryogo

Kuri uyu wa Gatatu nibwo mu Karere ka Nyarugenge mu murenge wa Nyarugenge mu kagari ka Rugarama mu masaha ashyira saa Moya za mugitondo ubwo umusore utaramenyekana amazina yari agiye mu kazi ke kaburimunsi abasore babiri bamuje inyuma harimo umwe witwa Prince bamucapura telefone ye yo mu bwoko bwa iphone maze bahita binjira mu muferege uri mu masanganiro y’umuhanda yahazwi nko mu biryogo nawe arabakurikira.

Ubujura biryogo
Hari abahise batabwa muri yombi basanzwe muri ruhurura

Nyuma yaho umwe mu bagenzi wari ubonye ibyo bibaye yahise avuza induru atabariza uwo musore inzego z’umutekano zihagera ngo zifate abo bajura gusa ntibabasha gufata haba uwo Prince watwaye telefone ndetse n’uwo bayibye nawe yahise aburirwa irengero.

Inzego z’umutekano zirimo inkeragutabara, Dasso ndetse na Polisi z’igihugu mu mukwabo aho bahise bata muri yombi abasore bagera kuri batandatu bari muri uwo muferege bashyikirizwa kuri Sitasiyo ya Polisi i Nyamirambo mu gihe iperereza rigikomeje.

Bamwe mu baturage baturiye uyu muferege batangaje ko aha hantu atari inshuro ya mbere cyangwa ko bimaze kuba akamenyero aho abo bajura bahagize indiri yabo bahamburira abantu ama telefone, amasakoshi y’abagore n’ibindi byinshi ndetse ko n’inzego z’umutekano zihazi ko hahora imikwabo ariko ikaba ntacyo ikora abo bafashe batarara mu maboko ya polisi kabiri ko bahita babarekura.

hari bamwe mu baturage baganiriye n’ikinyamakuru Touchrwanda bagaragaza ko imvano ya byose ari ikiyobyabwenge cya mugo kimaze koreka abantu benshi muri aka kace bakaba basaba polisi ndetse n’izindi nzego z’umutekano kugihagurukira bakagica nkuko baciye abazunguzayi mu mujyi wa Kigali.

abantu benshi bari baje kwihera ijisho iki gikorwa cy’umukwabo
ubujura biryogo
Bamwe mu batawe muri yombi n’inzego z’umutekano
Inzego z’umutekano zataye muri yombi mayibobo zayogoje abaturage
Umuyobozi w’ikinyamakuru Indatwa wari watswe ibyangombwa na polisi asabwa no gusiba amafoto

 

Leave a Reply