Byibura buri mwaka mu Rwanda hagaragara abantu 2000 barwaye cancer

0
262

Mu gihe tariki ya kane Gashyantare buri mwaka hizihizwa umunsi mpuzamahanga wo kurwanya cancer, OMS umuryango mpuzamahanga wita ku buzima uragaragaza ko abantu bagera kuri miliyoni 84 bishwe na cancer mu myaka icumi ishize na ho mu Rwandango abagera ku bihumbi bagaragarwaho n’uburwayi bwa cancer.

Dr Francois Uwinkindi umukozi mu kigo cy’igihugu gishinzwe iby’ubuzima RBC, avuga ko buri mwaka mu bitaro babona ibihumbi 2000 by’abarwayi ba cancer, gusa ngo iyi mibare siyo y’ukuri ugendeye ku mibare y’abatuye u Rwanda ngo hakangombye kugaragra abantu byibura ibihumbi umunani barwaye cancer.

Dr Uwinkindi akomeza avuga ko hakiri abaturage bafatwa na cancer ntibamenye ko ariyo bamwe bagakeka ko ari amarozi.

Uyu munsi wa no none indwara ya cancer niyo ndwara ya mbere iri guhitana abantu ku isi, iyi ikaba iza mbere y’intambara n’ibindi byorezo bihitana abantu. indwara ya cancer nubwo idakunze kuvugwa cyane mu bintu bihitana abantu benshi  ariko OMS iyishyira ku mwanya wa mbere muzica abantu benshi ku isi.

Umuryango mpuzamahanga wita ku buzima OMS mu cyegeranyo cyawo cyasohotse, kiragaraza ko byibura kuva 2005 kugeza 2015 abantu miliyoni 84 bapfuye . Kugeza ubu ngo usanga ibice bitandukanye by’isi abantu bafatwa n’indwara ya cancer ntibaba bangana.

Kugeza ubu hari ibintu bigaragaza ko bitera cancer harimo brochette, itabi, inzoga, umubyibuho ukabije ari na wo utera cancer yo mu mabere.

Cancer y’inkondo y’umura ni imwe muri cancer ngo ziri gusanganwa igitsina gore cyane muri iyi minsi. Dr Francois Uwinkindi avuga ko nta muntu kugeza ubu wakagombye kurwara cancer y’inkondo y’umura, ngo kuko mu Rwanda hari urukingo rwayo.

Nkurunziza Pacifique/touchrwanda.com

Leave a Reply