Dore bamwe mu byamamare nyarwanda icyo bavuze kuri St Valentin

0
248

Tariki 14 Gashyantare buri mwaka aba ari umunsi  w’amateka hagati y’abantu bakundana, hirya no hino usanga baba bari kuwishimira ku buryo butandukanye, mu rwego rwo kwishimira intambwe  urukundo rwabo ruba rwagezeho.

Mu kwizihiza uyu munsi bamwe usanga basohokanye n’abakunzi babo mu birori, kurya ubuzima ku mazi, cyangwa se bakajya gusangirira hamwe bishimira urukundo rwabo.

Bamwe mu byamamare nyarwanda baganiriye na Touchrwanda babashije kutubwira uko uyu munsi bawufata ndetse banatanga ubutumwa ku bantu bawizihije.

Oda Paccy mu kiganiro na Touchrwanda.com

 “Kurinjye uyu munsi wa St Valantin nkufata nk’umunsi udahambaye, dore ko nta mukunzi mfite, ahubwo ubutumwa naha abantu bari mu nkundo ni uko badakwiye gutegereza umunsi umwe mu mwaka ahubwo bagahora bishimira urukundo rwabo buri munsi.”

Queen Cha mu kiganiro na Touchrwanda.com yagize ati

“St Valantin ni umunsi wahariwe abakundana mu rwego rwo kwishimira urukundo rwabo, nta mukunzi mfite njyewe, gusa abakundana ndabifuriza gukomeza kugira ibihe byiza n’imigisha myinshi”

Young Grace na we yagize icyo atangaza

“St Valantin ni umunsi w’abakundanye nubwo njyewe nta mukunzi mfite, kuko inkundo z’ubu usanga zitandukanye hariho izanyazo ndetse n’izindi zirimo amayobera, ubutumwa naha abantu bakundana ni ukubifuriza kuryoherwa n’umunyenga w’urukundo rwabo, hanyuma bakanibuka kwiragiza Imana kugira ngo ibubakire.”

Mutoni Assia ukina filimi nyarwanda na we yaganiriye na Touchrwanda agira icyo atangaza

“Yagize ati Njyewe uriya munsi sinjya nkwizihiza kubera idini, gusa umukunzi ndamufite, ubutumwa natanga ni ugushishikariza abakundana gukomeza kwizerana kuko bizatuma bagera ku rukundo rurambye.”

Umuhanzi Niyorick na we yagize ati

“Njyewe rwose uyu munsi ndareba umuntu runaka maze mujyane ahantu twishimane tunaganira, ubutumwa naha abantu bawizihije ni ukababwira ko umunsi nk’uyu ari uwo kwishimira dore ko uza rimwe mu mwaka, bityo rero bakora uko bashoboye ubabere uwo amateka.”

Leave a Reply