Evode Imena yasabye kurekurwa akajya kurera uruhinja rwe rumaze ukwezi n’igice ruvutse

1
249

Ubwo uwahoze ari umunyamabanga wa Leta muri Minisiteri y’Ubucukuzi bw’amabuye y’agaciro Imena Evode na bagenzi be babiri bafunganywe by’agateganyo, bahakanye ibyaha byose baregwa ahubwo basaba kurenganurwa Evode we ngo akajya kurera uruhinja rwe rumaze ukwezi n’igice ruvutse.

Uru rubaza rwabereye mu rukiko rwa Nyarugenge, ubushinjacyaha buvuga ko Evode yaranzwe n’itonsesha mu gutanga ibyangombwa by’ahagombaga gukorerwa ubushakashatsi ngo harebwe ko hari amabuye y’agaciro.

Ubushinjacyaha buvuga ko Kagabo Jacque wari ushinzwe ibya tekinike mu bucukuzi bw’amabuye y’agaciro, ko yamennye ibanga ry’akazi buvuga ko yoherejwe mu butumwa bw’akazi mu Bufaransa gukoresha amakarita y’ahagomba gukorerwa ubushakshatsi niba hari amabuye y’agaciro.

Ubushinjacyaha buvuga ko Kagabo akimara kubona ko i Nduba hari ahantu hashobora kuba hari amabuye y’agaciro, ngo yaje kubwira umugore we n’uwa mugenzi we Kayumba Francis wari ushinzwe  ibijyanye n’amategeko agenga ubucukuzi bw’amabuye y’agaciro, nyuma ngo abo bagore baje gushinga company yitwa JDJ Ltd yaje guhabwa isoko ryo gukora ubushakashatsi.

Evode na bagenzi be baregwa gufata ibyemezo binyuranyije n’amategeko, itonesha no gutanga impapuro mpimbano.

Itonesha Evode Imena aregwa ngo ni iryo yemereye gusinya ku ruhushya  rwa company y’abagore ba Kayumba na Kagabo bari abakozi muri icyo kigo gishinzwe iby’ubucukuzi bw’amabuye y’agaciro banakora muri minisiteri imwe.

Ubushinjacyaha bwabasabiye gufungwa by’agateganyo, ngo kuko bishobora kubangamira iperereza,  kwihisha inzego z’ubutabera, gusibanganya ibimenyetso baramutse barekuwe,i kindi kandi ngo ifungwa ryabo ryatuma ubutabera bubabonera igihe bubashakiye, ikindi kandi ngo ibyaha byabo bishyirwa mu byiciro by’ibyaha by’ubugome.

Evode Imena imbere y’ubushinjacyaha yahakanye ibyaha byose aregwa n’ubushinjacya, yavuze ko jya gushyira umukono wa nyuma ku ruhushya rwa company ya JDJ y’abagore ba Kayumba na Kagabo,  biba byaraturutse ku bandi bayobozi babiri bamubanziriza mu kubisuzuma bakanabishyiraho umukono. ikindi kandi ngo hari komite ishinzwe kureba ko abasaba uburenganzira bwo gukora ubushakashatsi bujuje ibisabwa ngo iyo komite y’abantu 13 yarabisuzumye, irangije ishyiraho umukono iyi komite ikaba yari iyobowe na Dr Ryabarema Michel.

Nyuma y’aho iyo komite imaze gusuzuma ubusabe bwa company JDJ ngo nta kindi yari kurenzaho uretse gushyiraho umukono ku byemejwe n’akanama kabishinzwe.

Imena Evode avuga ko ibyo aregwa by’itonesha ntaho bihuriye n’ukuri, ngo kuko ajya gushyira umukono ku ruhushya rwemerera company JDJ gukora ubushakshatsi ntiyari azi ko abayigize ari abagore ba Kayumba na Kagabo bakoranaga muri Minisiteri imwe.

Ku bijyanye n’impapuro mpimbano Evode avuga ko kuba compamy ya JDJ yarashatse guha uburenganzira company ya KNM ngo ikomeze ubushakshatsi nta kosa ririmo, ngo kuko uruhushya rwari rwaratanzwe mbere. kuba company yagurisha isoko iyindi company nta kosa ririmo, yavuze ko ibi bisa nko guhererekanya ibya ngombwa by’imodoka yaguzwe hagati y’abantu babiri, aribyo yise mitation mu rurimi rw’amahanga.

Kuba hari amatariki aregwa y’inyandiko yagiye asinya ahabanye  Imena Evode yavuze ko ibyo atabibazwa ngo kuko siwe ushyiraho amatariki, amatariki ashyirwaho n’ubunyamabanga bwa minisiteri. Evode kandi uregwa kuba hari company ya Nyaruguru Mining yandikiye minisiteri akorera, ibasaba gukora ubushakasha ikangirwa, avuga ko uwari minisitiri w’umutungo kamere Stanislas Kamanzi ngo yabandikiye ibaruwa ibahakanira , iyi company ngo yaje kwandikira uwari Minisitiri w’Intebe  2013 ibabwira ko bayirenganyije  na we  arabahanira ababwira ko ibyo basaba bitashoboka. Bityo ngo kuba bavuga ko mu kazi ke hagaragayemo itonesha ntaho bihuriye n’ukuri nkuko byemejwe n’abunganizi ba Evode aho bavuze ko nta muntu n’umwe wahanganye byibura na company ya JDJ ngo bayirenganye bityo ko umukiriya wabo bamugira umwere.

Ubushinjacyaha kandi buvuga ko abagore ba Kayumba na Kagabo bajya gushinga kampany ya JDJ batari bagamije ubucukuzi ahubwo bahise bayigurisha na company ya KNM ltd amadorali ibihumbi 20 maze abo bagore bombi baza kuyagabana.

Evode yasabye ko ibyaha byose aregwa yabihanagurwaho akagirwa umwere, yanzura ,yavuze ko ibyo ubushinjacyaha buvuga ko arekuwe yasibanganya ibimenyetso nta mpungenge n’imwe urukiko rwagira, ngo kuko akimara gukekwaho ibi byaha yahamagawe na CID inshuro ebyiri zombi yitaba nta mapingu arimo, ikindi kandi ngo nuko aho atuye hazwi ndetse ngo akwiye kurekurwa akajya kureba uruhinja rwe rumaze ukwezi n’igice ruvutse. ako kanya abari mu cyumba cy’uburanisha bumvikanye bimyoza ubundi urubanza rurakomeza.

Ibyi byabaye kimwe na bagenzi be babiri baburanga ibyaha bimwe  na bo basabye ko bagirwa abere ku byaha byose baregwa. abunganira Kagabo na Kayumba babajije ubucamanza niba umuntu kuba yashinga ubucuruzi byaba ngombwa ko yaka ibyangombwa abo bafitanye isano bikaba umuziro.

kuri Kayumba Francis yavuze ko urukiko rwamuha ubutabera bukwiye dore ko umudamu we akimara kumva ko umugabo we yafunzwe yahise ahungabana, ikindi kandi ngo akunda guhura n’ikibazo cy’amara ngo ntakunda gufata ibiribwa bibonetse byose hagakubitiraho n’ikibazo cy’abana badafite ababitaho.

Kuri Kagabo Jacque na we yavuze ko afite ikibazo cy’umugongo utamworoheye bityo gukomeza gufungwa by’agateganyo bimwongerea uburwayi.

Biteganyijwe ko imyanzuro y’urukiko izasomwa ku wa gatanu w’iki cyumweru saa mbiri za mu gitondo.

Nkurunziza Pacifique/touchrwanda.com

1 COMMENT

Leave a Reply