Gahini: Hagiye gufungurwa inzu ndangamurage ifite byinshi ihatse muri aka karere

0
32

Gahini kuri iki cyumweru hategerejwe umuhango ugomba kwitabirwa n’umuyobozi mukuru w’itorero ry’Abangirikani ku rwego rw’Isi aho azaba aje gutaha ku mugaragaro inzu ndangamurage izajya isurwa n’abakerarugendo batandukanye hirya no hino.

iyi nyubako izaba irimo katedirali hamwe n’inzu ndangamurage izajya isurwa n’aba mukerarugendo baje gusura ahari ivuko ry’itorero ry’Abangirikani muri kano karere k’ibiyaga bigari.

Archbishop Canterbury
Rev.Justin Welby umushumba mukuru w’itorero ry’Abangilikani ku rwego rw’Isi

Nkuko ikinyamakuru The Newtimes dukesha iyi nkuri k’ibitangaza, uruzinduko rw’umushumba mukuru w’itorero ry’Abangirikani ku Isi Rev Justin Welby rugomba gutangira kuri uyu wa 18 kugeza 21 Gashyantare aho azaba aje gufungura ku mugaragaro inyubako nshya y’urusengero rw’Abangirikani muri Gahini izaba inarimo inzu ndangamurage ikubiyemo amateka y’uburyo itorero ryavutse rigashinga imizi mu Rwanda ndetse no mu Karere.

Umunyamabanga wa Diyoseze Rev. Manasseh Gahima yatangarije The New Times ko Gahini ari byinshi izingatiye mu mateka ya Angilikani kandi kuba haratangiriye itorero byafashije n’aka gace kugira ibikorwa remezo ndetse kurubu bakaba bifuza ko haba ihuriro rya bamukerarugendo.

Anglican
Ubwo hari hakiri mu mirimo y’iyubakwa ry’uru rusengero rugiye gutahwa kuri iki Cyumweru

Ivugabutumwa ry’Abamisiyoneri b’itorero ry’Abangirikani mu Rwanda rikaba ryaratangiriye ku musozi wa Gahini mu mwaka wi 1925 rigenda risakara hirya no hino mu Rwanda ndetse no muri aka karere k’ibiyaga bigari u Rwanda ruherereyemo.

 

Leave a Reply