Ibimenyetso 5 bigaragaza ko Messi arusha Cristiano ruhago

0
115

Lionel Messi, umunya Argentine ukinira FC Barcelone na Cristiano Ronaldo umunya Portugal ukinira Real Madrid ni abagabo bakomeye cyane muri ruhago ya hano ku isi ndetse urebye ahanini nibo bavugwa cyane, kuko usanga ibikorwa bamaze kugeraho ari iby’indashyikirwa ndetse bizagora abari inyuma yabo kubigeraho.

Abantu benshi usanga bagira impaka ndende bibaza ku bijyanye n’ubuhanga bwaba bombi, ugasanga bari kujyenda babagereranya kugirango ngo barebe urusha undi ibigwi.

Amakipe aba bombi bakinira iyo yahuye uyu mukino bise El Classico uba witezwe cyane n’abantu batagira ingano, bari kureba urusha undi ubuhanga, kugirango babashe kubona uko babagereranya.

Iyo umwe akoze ikintu usanga undi akora uko ashoboye kugirango umurushe, ibi bigatuma hahoraho ihangana rya buri munsi hagati yabo , ndetse no hagati y’amakipe bakinira.

Ibi ni bimwe mu bimenyetso bitanu bigaragaza ko Messi arusha Cristiano umupira w’amaguru nkuko urubuga Fanside rubigaragaza

cristiano na messi

5.Messi afite umuvuduko udasanzwe

Cristiano Ronaldo arihuta mu kibuga gusa Lionel Messi we arihuta ndetse akabasha no guca mu rihumye ba myugariro nkuko n’abo babyemeza, dore ko Messi abifashwamo n’ingano ye.

4.Messi akina arinda izamu

Messi akenshi usanga mu kibuga yagiye no gufasha ba myugariro b’ikipe ye ndetse ntago iyo atakaje umupira atuza ahubwo akomeza kotsa igitutu kugirango abashe gusubirana umupira

3.Messi afite impano ya Ruhago

Benshi bakunze kuvuga ko abakinnyi benshi bajya mu mashuri kwiga ruhago, gusa kuri Messi we siko bimeze kuko ari impano afite mu maraso ye imubamo, ndetse ibi bigaragazwa n’ibitego atsinda, dore ko nko mu mikino 524 Messi yatsinzemo ibitego 400 ari wenyine

2.Messi afite  ibihembo byinshi kurusha Cristiano

Lionel Messi yagiye atwara ibihembo kurusha Cristiano Ronaldo, ndetse Messi afite Ballor’ Or eshanu mu gihe Cristiano afite Enye harimo niyo aherutse kwegukana mu mwaka ushize

1.Messi arubaha cyane kurusha Cristiano

Messi ni umwe mu bakinnyi bacisha make cyane mu buzima bwe bwa buri munsi  ndetse no mu kibuga akunze kuba atuje cyane, ntago agira amatiku, yubaha abakinnyi bajyenzi be, abatoza ndetse n’abafana.

Yanditswe na Frank Iradukunda

Leave a Reply