Ikipe y’APR irashyize irekura uwari umukinnyi wayo Rwatubyaye yerekeza muri Rayon

0
66

Rwatubyaye Abdul wari umukinnyi w’ikipe y’APR ndetse n’ikipe y’igihugu Amavubi mu minsi yashize byavuzwe ko yavuye muri iyi kipe akerekeza muri mukeba wayo Rayon Sport ibintu bidasanzwe muri ruhago yahano mu Rwanda ko hari uwava muri APR yerekeza kwa mukeba.

Rwatubyaye Rayon sport

Rwatubyaye yari umwe mu bari barabonye amahirwe yo kwerekeza ku mugabane w’Iburayi mu gihugu cya Slovakia mu ikipe ya MFK Topvar Topoľčany aho hari abandi bakinnyi bakinanaga muri APR barimo nka Iranzi gusa kubera ko yigeze gushaka gutoroka igihugu ubwo bari bagiye ku mugabane w’Iburayi abura amahirwe yo kubona ibyangombwa bimwemerera kuhakinira.

Nyuma yo kubona ko byanze yagarutse mu Rwanda agirana amasezerano n’ikipe ya Rayon Sport imuha Miliyoni 5 gusa nyuma y’igihe gito ahita aburirwa irengero, aho bivugwa ko yari yaragiye gushaka indi kipe akinira hanze y’u Rwanda.

Kurubu akaba yarongeye kugaruka mu Rwanda yemera kubahiriza amasezerano yari yaragiranye n’iyi kipe gusa haza kubaho imbogamizi zo kubura icyangombwa cyagombaga guturuka mu ikipe yahoze akinira ngo abone ibyangombwa bimwemerera kuba umukinnyi wa Rayon Sport.

Mu gitondo cyo kuri uyu wa Kane tariki ya 23 Gashyantare nibwo ikipe ya APR yatanze uburenganzira bwo kurekura uyu mukinnyi wakuriye muri academy kayo akerekeza kwa mukeba Rayon Sport ruriho umukono w’umunyamabanga mukuru w’iyi kipe Adolphe Kalisa ndetse na cache ya APR.

Rayon sport Rwatubyaye APR

Rwatubyaye abaye umukinnyi wa Rayon Sport aho agiyemo asanga mugenzi we bahoze bakinana mu ikipe ya APR Rwigema Yves.

Leave a Reply