Jose Mike aremeza ko azanye impinduka muri muzika nyarwanda

0
183

Umuhanzi Ruhangariyo Joseph ukoresha izina ry’ubuhanzi rya Jose Mike ni umuhanzi ukora ibihangano bye mu njyana ya rnb na pop akaba yemeza ko agiye kwigaragaza muri uyu mwaka yifashishije inganzo ye.

Jose Mike aremeza ko azanye impinduka muri muzika nyarwanda

Mike Jose yamenyekanye mu ndirimbo nka “Sinzakubabaza” na ”Meze nk’ugushaka” ndetse n’indirimbo ye nshya aherutse gusohorera amashusho yitwa nkwerekane, mu kiganiro cyirambuye yagiranye na Touchrwanda yatubwiye byinshi ku rugendo rwe.

Yagize ati “ Muri 2014 nakoze indirimbo yubahiriza ikigo nigagamo, akaba ariho nakuye imbaraga zo gusubira muri muzika no kuwukora mu buryo buhamye”.

Yakomeje avuga ko bitoroshye kwigaragaza muri muzika nyarwanda nk’umuhanzi uzamuka, ariko akaba yizera ko azabigeraho kuko azakoresha ingufu ze no guha abanyarwanda ubutumwa bw’ubaka binyuze mu indirimbo ziryoheye amatwi.”

Yasoje  avuga ko kuriwe yifuza gukora ibitaramo n’indirimbo nyinshi ndetse no kugaragaza itandukaniro ku rubyiniro akaba yizeje ko atazabapfunyikira ikibiri biri.

Leave a Reply