Kenya: Abayobozi 2 barasiwe mu kabyiniro imodoka yabo iratwikwa+Video

0
63

Mu rukerera rwo kuri uyu wa gatandatu umwe mu bayobozi uba mu nteko ishingamategeko ya Tiaty Pepee Kitambaa ndetse n’undi uba mu nteko rusange y’igihugu Kibet Cheretei barashwe mu gitero cyagabwe mu kabyiniro kazwi nka The Marigat mu gace ka Baringo.

imodoka bajemo na yo yangijwe bikomeye
imodoka bajemo na yo yangijwe bikomeye

Kitambaa wari winjiye mu nteko ishingamategeko mu gihe gito ngo yari ari mu birori bya yubile aho yari yajyanywe na mu genzi we Asman Kamama aza kuharasirwa na ho cheretei yarashwe ubwo yari mu kabyiniro mu mujyi wa Marigat.

Akabyiniro barasiwemo ka Marigat

Umuyobozi wa police mu gace ka baringo, Peter Ndung’u yavuze ko abo bombi barashwe, bari baherekejwe  n’abandi bantu batanu bakaba barashwe ubwo bishimisha bo ubwabo.

The citizen itangaza ko abarwanyi babiri binjiye mu kabyiniro bambaye ingofero zibahisha isura  bafite intwaro z’imihoro ndetse n’imbunda yo mu bwoko bwa AK47, nibwo bahise bibasira abo banyapolitike ndetse n’imodoka bajemo barayangiza bikomeye

Pepee-Kitambaa barashwe bari kwishimisha
Pepee-Kitambaa barashwe bari kwishimisha

Amakuru avuga ko icyo gitero cyari cyateguwe kandi ngo umugambi wari uwo kwica abo bayobozi babiri. Kugeza ubu police ivuga ko iperereza ryatangiye nubwo bataramenya uwaba wihishe inyuma y’icyo gitero.

Kugeza ubu polisi yahise yohereza abandi bapolisi muri ako gace gucunga umutekano cyane mu gihe iperereza riri gukorwa.

dore video yafashwe:

Leave a Reply