Mahatma Gandhi University yatanze buruse ku Banyarwanda 200

0
130

Mu rwego rwo guteza gahunda z’uburezi kuri bose mu Rwanda, igihugu cy’ubuhinde ku bufatanye na Kaminuza ya Mahatma Gandhi  cyahaye buruse zo kwiga muri kaminuza.

Mahatma Gandhi University
Abahawe Buruse

Umujyanama w’iyi Kaminuza Anita Kivuye Kwizera akaba yavuze ko iki cyemezo cyafashwe hagamijwe guteza uburezi imbere ndetse no gufasha rumwe mu rubyiruko  rutishoboye rwarangije amashuri yisumbuye kwiga Kaminuza kwiga ati”kuko hari benshi baba badafite ubushobozi bwo gukomeza kaminuza, ugasanga cya gihe arangije amashuri yisumbuye bamwe babuze uburyo bwo kujya muri kaminuza, ni muri urwo rwego bifuje y’uko batanga amahirwe mu kwiga”.

Bamwe mu banyeshuri bahawe izo buruse bavuga ko kwiga muri Kaminuza ya Mahatma Gandhi bizabafasha  kugera ku nzozi zabo kuko atari amasomo bazahabwa gusa ahubwo ko iyi Kaminuza inabafasha guteza imbere impano zabo nkuko uyu yabivuze ati”aha hari amahirwe menshi, hari ukwiga neza wigishwa n’abarimu babigize umwuga ku rwego mpuzamahanga, hakaba n’andi mahirwe kuko nkanjye ubusnzwe nkora ibyo guhimba imideli, ubwo rero nabwo bazamfasha mu kubimenya neza”.

Umunyamabanga mukuru w’Inama y’ubuziranenge mu Gihugu cy’ubuhinde Dr. Ravi P. Singh yavuze ko bahaye abanyeshuri izi buruse mu rwego rwo kuzamura igihugu mu iterambere ndetse no kubera urugero izindi Kaminuza mu gutanga ubureze bubereye buri wese kandi ku buntu ati”turi hano kugirango dufashe buri gihugu cyo kuri uyu mugabane kugera ku rwego rw’ibihugu bikize cyane, niyo mpamvu twaje hano ngo dushishikarize abanyeshuri, dushishikarize za kaminuza, gutanga uburezi kandi bubereye bose ku buntu”.

Mahatma Gandhi University
Dr. Ravi P. Singh

Kaminuza ya Mahatma Ghandhi University izigisha abanyeshuri bahawe buruse yigisha amasomo atandukanye ari mu byiciro 42 ikaba ikorera mu bihugu bitandukanye kw’isi birimo nk’Ubuhinde, U Rwanda, Nigeria ndetse na Leta zunze Ubumwe z’Amerika.

Leave a Reply