Miss Huye Campus Aneth ati “Ntago umunyarwandakazi agomba kuba ateye nk’igisabo”

0
178

Umutoni Aneth ni nyampinga wa kaminuza y’u Rwanda ishami rya Huye akaba yarambitswe ikamba kuwa  18 Gashyantare 2017, asimbura Isimbi Deborah wari umaranye ikamba imyaka irenga ine.

Aneth ni umukobwa w’imyaka 20 akaba yiga mu mwaka wa kabiri mu ishami rya Accounting, kuba yarabaye nyampinga wa Huye Campus ni igikorwa cyamushimishije cyane nkuko nawe abitangaza, ndetse bikaba bigiye kumufasha kugera ku iterambere rihambaye.

Umutoni Aneth, nyampinga wa kaminuza ya Huye
Umutoni Aneth, nyampinga wa kaminuza ya Huye

Mu kiganiro kirambuye yagiranye na Touchrwanda yatubwiye byinshi kuri we ndetse anagaragaza uburyo atemeranya n’umuntu wese uvuga ko umunyarwandakazi agomba kuba ateye nk’igisabo.

Twamubajije ibanga yakoresheje kugira ngo abashe kwambikwa ikamba rya Miss Huye Campus ndetse anatubwira imigabo n’imigambi afite nyuma yo kwambikwa iri kamba.

Umutoni Aneth, nyampinga wa kaminuza ya Huye
Aneth ati “Ibanga ni ukwigirira icyizere”

Yagize ati “Ibanga nakoresheje ntarindi ni ukwigirira icyizere, nkiyumvisha ko nshoboye, kuva naratowe ngiye gushyira mu bikorwa ibyo nemeye kuzakora, birimo nko kuzateza imbere abanyeshuri mbakangurira gukora imirimo ifitiye igihugu akamaro kandi ifatika.”

Ku bijyanye n’amarushanwa ya Miss Rwanda 2017 azatangwa ejo ku wa gatandatu tariki ya 25 Gashyantare 2017, yatubwiye ko kuri we abakobwa bose 15 abashyigikiye kandi bashoboye, ndetse ko na we abonye bitazamubangamira mu masomo ye ashobora kuziyamamaza mu yindi myaka izaza.

Ku bijyanye na nyampinga wavuze ko umunyarwandakazi agomba kuba ateye nk’igisabo yavuze ko atemeranya na we bitewe nuko ataribyo byerekana umunyarwandakazi.

Yagize at “Uwabivuze afite impamvu ifatika yamuteye kubivuga, gusa ku ruhande rwanjye ntago nemeranya na we kuko umunyarwandakazi arangwa n’indangaciro nyarwanda ntago arangwa no kuba ateye nk’igisabo.”

Ibyo wagakwiye kumenya kuri Umutoni Aneth, Nyampinga wa kaminuza y’u Rwanda ishami rya Huye

Ibyo akunda:

Aneth akunda, gusabana na bagenzi be, gusenga, ndetse no kwiga

Ibyo yanga:

Aneth yanga kugira isura mbi muri bagenzi be, cyane ko nk’umukobwa watoreye kwambikwa ikamba, bajyenzi be bahita bamufata ukundi, gusa ngo agerageza kwicisha bugufi bakabana nkuko byari bisanzwe mbere atarambikwa ikamba rya Nyampinga.

Aneth akunda gusenga, kwiga, no gusabana na bajyenzi be
Aneth akunda gusenga, kwiga, no gusabana na bajyenzi be

Leave a Reply