Musanze: Barataka ko isoko ry’inka riri kure, ubuyobozi bwo ngo ryaje ari igisubizo

0
184

Abaturage bo mu murenge wa Gataraga baravuga ko babangamiwe n’isoko  ry’inka riri kure cyane,   bikagorana kugenda urugendo rurerure kubera inka zitamenyereye kugenda .

Isoko ry'inka rya Gataraga
Isoko ry’inka rya Gataraga

Bamwe mu batuye kure y’uyu murenge wa Gataraga bavuga ko kugeza inka muri iri soko bitoroshye ndetse ngo no kugurisha inka imwe biragoranye kandi bakaba bazivana mu bice bitandukanye harimo nka Kivuruga, Rwaza, Nkotsi n’ahandi.

Abacuruzi n’abakora umwuga wo kubaga batuye kure y’iri soko,  bavuga ko kuba iri soko riri kure abacuruzi bajyana inka muri iri soko bashobora guhura n’igihombo,  igihe zaba zibuze abaguzi bakazigarura, ibintu bafata nk’imvune ikomeye cyane.

Ku ruhande rw’ubuyobozi bw’akarere ka Musanze butangaza ko iryo soko ryaje ari igisubizo ku baturage batuye   muri uyu murenge n’abava kure yawo.

Umuyobozi w’akarere ka Musanze wungirije ushinzwe ubukungu n’iterambere, Augstin Ndabere avuga ko ari igisubizo gituma abaturage badahendwa mu biciro.

Agira ati “Ntabwo ari ikibazo ahubwo ririya soko ryaje ari igisubizo mu buryo bwo kurinda ibiciro, ryaje nk’igisubuzo cy’ibyo bibazo kubarituriye n’abatuye kure yaryo.”

Uyu muyobozi akomeza avuga ko ari igisubuzo cyaje gica akajagari, kandi ari ukurinda abacuruzi kwibwa inka, n’inka z’abaturage ntizigurishwe mu buryo butumvikanyweho.

Aba baturage bavuga ko imbogamizi ituma binubira kuba iri soko riri kure kandi abacuruzi baba bazivana ahantu hatanduhanye kandi kure bigorana kuzijyana mu isoko rya Gataraga bakazigarura ku ibagiro riri Nyamagumba kuko kuzitegera  bigoye.

Leave a Reply