Musanze: Barinubira amata agemurwa  mu bijerekani

0
95

Bamwe mu bacuruza amata bo mu karere ka Musanze barinubira abagemura amata mu bijerekani ngo kuko isuku yatwo iba itizewe.

Iyo uzengurutse hirya no hino mu karere ka Musanze, usanga aborozi n’abacunda bakunda kugemura amata mu bijerekani bityo ugasanga abo bayagemuriye bakemanga isuku yayo.

Ati”Batuzanira amata bakoresheje ibibido, mu by’ukuri wenda amajerekani ntabwo aba asukuye neza ikintu nifuza bakorerwa nuko bajya bayazana mu bicuba”

Gusa ku rundi ruhande hari abaturage bavuga ko hari abagerageza gusukura utwo tujerekani ku buryo ngo usanga dufite isuku. Bwana Nsengiyumva Jean Bosco umukozi ushinzwe ubworozi mu karere ka Musanze avuga ko kugemura amata mu bijerekani bitemewe.

”Ubundi rero amajerekani mubona tutayemera nuko mu mupfundikizo n’umukondo kuhakorera amasuku ntibikunda koroha,  akaba ari mpamvu twamagana abantu batwara amata mu bijerekani”.

Uretse aba baturage bo mu karere ka Musanze usanga bagitwara amata mu bijerekani,  biracyagoye aborozi batari bake kumva politiki yo gutwara amata mu bicuba. Ikindi nkuko gahunda ya Misiteri y’Ubuhinzi n’Ubworozi ibivuga ngo amata yose mbere yuko ashyirwa ku isoko agomba kunyuzwa mu makusanyirizo.

Nkurunziza Pacifique/touchrwanda.com

Leave a Reply