Nijeriya: Ibihugu 14 mu nzira zo kugoboka abishwe n’inzara

0
158

Ibihugu bigera kuri 14 bigiye gukusanya inkunga ingana na miliyoni 672 z’amadorali yo gufasha abaturage bavuye mu byabo  mu gihugu cya Nigeriya, no mu nkengero zacyo kuri ubu batuye mu kibaya cy’ikiyaga  cya Tchad .

Impunzi za Nigeria zigiye kugobokwa
Impunzi za Nigeria zigiye kugobokwa

Aba baturage bagiye gufashwa barabarirwa kuri miliyoni 2.3, aba bakaba baribasiwe n’intambara y’umutwe w’iterabwoba wa Boko Haram imaze igihe kitari gito iyongoje igihugu cya Nigeria n’inkengero zacyo.

Ikinyamakuru Le Monde cyanditse ko  kuba hagiye gutangwa ubu bufasha byatekerejwe na leta ya Norvege, u Budage ndetse n’igihugu cya Nigeria  mu nama yateranye kuri uyu wa gatanu, iza gufatirwamo umwanzuro ko bagiye gukora ubukangurambaga  ndetse ibihugu 14 bikaba byamaze kwiyemeza gutanga ubufasha.

Biteganyijwe ko uyu mwaka hazatangwa miliyoni 458 z’amadorali, naho mu myaka ibiri iri imbere hagatangwa miliyoni 214 z’amadorali, mu rwego rwo gufasha miliyoni icumi z’abaturage bakozweho n’intamabara y’umutwe wa Boko Haram yatangiye kuva mu mwaka wa 2009.

Leave a Reply