Niteguraga kurushinga n’umukunzi wanjye none yakatiwe imyaka 10 y’igifungo, mungire inama

0
67

Nkuko abasomyi ba touchrwanda.com by’umwihariko abafite ihurizo riba ribakomeye  bagenda batwandikira bagisha inama, kuri uyu munsi wa none hari umukobwa watwandikiye adusaba kumugishiriza inama ku kibazo cy’uko umukunzi bendaga kurushinga yakatiwe imyaka icumi y’igifungo.

mungire inama

Yatangiye agira ati:”Mu by’ukuri nakundanye n’umuhungu, dukundana nta buryarya ariko akaba yari afite akazi ka leta, noneho ikigo yakoreragamo baje kugenzura ibigendanye n’imitungo basanga hari amafaranga yabuze nibwo yahise atabwa muri yombi ndetse aza no gukatirwa imyaka igera ku icumi y’igifungo. njye nibwiraga ko nibura azakatirwa nk’imyaka ibiri cyangwa itatu nubundi imishinga y’ubukwe igakomeza.

Mu by’ukuri mfite imyaka 28 ndakuze bihagije nari natekereje ko imyaka bazamukatira nzemera nkamutegereza  ariko imyaka icumi ni myinshi , none mfite ikibazo kigira kiti: Ese nemere iyo myaka icumi yose mutegereze? Ese nimutegereza akazafungurwa atakinyiyumvamo cyane ko nzaba  narashaje nabigenza nte? mungire inama ndabinginze”.

Niba nawe ufite ihurizo rigukomereye mu birebana n’urukundo kandi ushaka kugisha inama watwandikira unyuze kuri email: touchrwanda2014@gmail.com

Leave a Reply