Ntawaje gusaba leta ubutaka ngo ibumwimwe: Min. Mukeshimana

1
79

Mu gihe bamwe mu bagize ihuriro ry’urubyiruko rukora ubuhinzi n’ubworozi Rwanda Youth in Agriculture Forum, bavuga ko bagifite imbogamizi zo kubona isambu bahingamo Minisiteri y’Ubuhinzi n’Ubworozi mu Rwanda, iravuga ko nta muntu wigeze aza gutira isambu yo guhingamo aturutse muri iryo huriro ngo bayimwime.

Iri huriro ry’urubyiruko ryamaze kugaba amashami mu turere twose uko ari 30 tw’igihugu, bamwe mu barigize bavuga ko bagifite imbogamizi zo kubona ubutaka bwo guhingamo ngo biteze imbere.

Nkundumukiza Lambert uhagarariye RYAF mu karere ka Rutsiro avuga ko ari ikibazo kibakomereye cyane, ngo keretse ku rubyiruko rufite ababyeyi bafite isambu.

Yagize ati”Ni ikibazo gikomeye kandi kitatworohera ariko nk’urubyiruko tugerageza gushaka amahirwe cyangwa se igisubizo kigendanye n’ubutaka ariko ikibazo cy’ubutaka kiracyari ikibazo gikomeye …”

Umuyobozi w’ihuriro rya RYAF ku rwego rw’igihugu Hategekimana Jean Baptiste avuga ko kugeza ubu nta kibazo cyo kubona ubutaka bafite, ngo kuko bamaze kugenda baganira n’uturere n’imirenge ahari ubutaka bwa leta ku gira ngo babatize ubwo butaka.

Uretse ibyo Jean Baptiste Hategekimana yavuze, Minisitiri w’Ubuhinzi n’Ubworozi mu Rwanda Mukeshimana Geraldine yateye utwatsi ibivugwa na rumwe mu rubyiruko rwo muri RYAF, ruvuga ko rwabuze ubutaka bwo guhinga ahubwo ngo ntibigeze begera reta.

“Nta muntu wigeze aza gushaka ubutaka ngo abubure, bababwiye ko n’ababukodesha babubona ariko nta demand n’imwe mbona, mbona demande z’abasaza n’abakecuru, amasosiyasiyo y’ubuhinzi nta demande n’imwe yavuye mu bamambure ba RYAF isaba ubutaka nari nabona muri MINAGRI hari ibishaka bya Leta nirwa noherereza Francine n’abakecuru n’abasaza banterefonnye bansaba ubutaka, nta muntu wanyu uraza kunsaba ubutaka muvuga ko mwabuze ubutaka muhereye he”.

Minisitiri Mukeshimana akomeza avuga ko iki kibazo atari ubwa mbere kivuzwe na RYAF kandi ntaho babuburiye.

Kugeza ubu RYAF ihuriro ry’urubyiruko rwiyemeje guteza imbere, ubuhinzi n’ubworozi bamaze umwaka umwe batangiye, ariko muri bo hari abatangiye kwera imbuto babikesheje iryo huriro.

Nkurunziza Pacifique/touchrwanda.com

1 COMMENT

  1. Ese ubundi ko leta yaje isanga abaturage yiharira ubutaka ite? Abaturage nibo bagakwiye kuyigenera, ahubwo ikabafasha kubucunga neza. Wumva bitababaje kuba wari usanzwe wifitiye ubutaka bwawe ejo bwacya ukumva ngo ubutaka ni ubwa leta ahubwo ugatangira kuyisabiriza?

Leave a Reply