“Nubwo yaba atakiri ku isi yatsinda amatora”- Umufasha wa Mugabe

0
155

Ashingiye ku buryo akunzwe n’abaturage ayobora, Grace Mugabe ubwo yari mu nama yahuje abarwanashyaka b’ishyaka Zanu-PF, yatangaje ko umugabo we akaba na Perezida wa Zimbabwe Robert Mugabe nubwo yaba yapfuye umurambo we abaturage bakomeza kuwuha amahirwe yo kuyobora iki gihugu.Grace MugabeMugabe n’ishyaka rye rya Zanu-PF bari ku butegetsi bwa Zimbabwe kuva mu mwaka wi 1980, nyuma y’ikandamizwa Abongereza bakoronije bayoboraga iki gihugu bagaranzuriwe, maze kuva ubwo kugeza ubu nta wundi mu Perezida iki gihugu kigeze.

Muri iyi nama yari yahuje abayoboke b’ishyaka rya Zanu-PF ariryo Perezida Mugabe abarizwamo, umufasha we Grace Mugabe yagize ati: “ Umunsi umwe ubwo Imana izaba ihamagaye Mugabe, ku rupapuro rw’itora tuzagira umurambo we mu bakandida bazahatanira kuyobora… Ntibizabatangaze kubona abaturage batoye Mugabe kandi ari umurambo. Ndababwiza ukuri bazabikora bashaka kwerekana uburyo bakunda Perezida wabo.”

Robert Mugabe w’imyaka 93 y’amavuko yagiye akenshi azahazwa n’indwara z’izabukuru rimwe na rimwe akanabikwa ko yapfuye, gusa akaba yaranze kurekura ubutegetsi avuga ko iteka ryose igihe abaturage ayobora bazamugirira icyizere ntakizamubuza na we ku bayobora.

Robert Mugabe
Robert Mugabe n’umufasha we Grace Mugabe

 

LEAVE A REPLY

Please enter your comment!
Please enter your name here