Nyarugenge abagizweho ingaruka n’ibiza by’imvura bahawe isakaro

0
139

Mu karere ka Nyarugenge mu murenge wa Nyarugenge mu kagari ka Rwampara kuri uyu wa Kabiri tariki 14 Gashyantare 2017 Association Garuka yashyikirije amabati abagezweho n’ikiza cy’imvura mu ijoro ryo kuwa 21 Mutarama 2017.

Umuryango Garuka ukaba warashinzwe n’abategarugori bagamije gukura abana mu muhanda ndetse no gukumira icyatera umwana kujya mu muhanda bamushakira imibereho myiza.

Mu murenge wa Nyarugenge habarurwa amazu 320 yangijwe n’iriya mvura yaguye mu ijoro ryo kuwa 21 Mutarama, mu kagari ka Rwampara hari hagaragaye abantu bagera kuri 87 bakeneye ubufasha gusa muri bo 33 nibo bemerewe guhabwa amabati biturutse kukuba badatuye mu manegeka cyangwa se abatuye ahantu hateganwa kuzajya ibikorwa bya Gatare byo kubaka inyubako zigendanye n’iterambere.

Ubwo babashyikirizaga aya mabati, Lydia Nyirahabiyambere umuyobozi wa Association GARUKA akaba yagize ati: “Twatekereje ko abatarabashije gusana ko ari nta bushobozi bafite niyo mpamvu twumvise twafata iyambere mu kubashakira ubufasha bw’ibanze.”

Musanabera akaba yasazwe n’ibyishimo nyuma yo guhabwa ubu bufasha yagize ati: “ Mu byukuri ibyo baduhaye n’ubwo bidahagije natwe tuzishakamo ubushobozi dusakare inzu ntakibazo.”

Uretse amabati agera kuri 20 umuryango wagiye ugenerwa ubuyobozi bw’umurenge bwashyikirije aba baturage ibindi bikoresho birimo nk’umusambi ndetse n’ibiringiti byo kuryamira.

Gusa bamwe mu baturage bagombaga kugenerwa n’ubu bufasha bakaba batangaje ko ibi byabatunguye ko bahamagawe mu masaha y’amanywa y’umunsi w’igikorwa nyirizina hakaba hashidikanywe ku bunyangamugayo buri buze kuba mu baza kugenerwa, dore ko ubwo byari biteganyijwe ko uyu muhango uri butangire ku isaha ya saa Tanu aribwo abayobozi bahamagaraga abaturage bari guhabwa ubufasha.

Imvura
Saa Tanu n’igice abari bazanye ubufasha bari bategereje abagenerwa bikorwa batarahagera

 

Bamwe mu baturage bahawe isakaro

 

Ubuyobozi bwasabye aba baturage gukoresha aya mabati icyo bayabahereye batagomba kuyagurisha
Musanabera ashyikirizwa ibikoresho n’umuyobozi wa Assosiation Garuka

LEAVE A REPLY

Please enter your comment!
Please enter your name here