Nyuma y’igitero cyashatse kumuhitana, ubana n’ubumuga bw’uruhu arahangayitse bikomeye

0
219

Femi Achulani ni umubyeyi ukomoka mu gihugu cya Malawi akaba yaravukanye indwara y’ubumuga bw’uruhu mu minsi yashize hari abantu baherutse kuza batera iwe mu rugo bashaka ku muvutsa ubuzima gusa ku bw’amahirwe Imana ikinga ukuboko none ubu ntabasha gusinzira kubwo gutinya ko ejo cyangwa ejo bundi bagaruka.

ubana n'ubumuga bw'uruhu

Byagiye bivugwa kenshi ko hirya no hino muri Afurika hari bamwe mu bantu bafite imyumvire yo kuba bakoresha bimwe mu bice by’ingingo z’ababana n’ubu bumuga bw’uruhu bagamije kuzikoresha mu migenzo ya gipagani ku bw’impamvu zo kwigwizaho imitungo ndetse no kuronka amahirwe mu buzima.

Ubuhamya bw’ibyamubayeho

Femi Achulani yatangarije BBC dukesha iyi nkuru ko hari saa Moya z’umugoroba ubwo yari iwe mu rugo ari gutegura ifunguro ry’umuryango we abona haje abagabo batanu ndetse n’umugore umwe maze babwira umugabo we ko baje kureba Achulani ko ari abashinzwe umutekano bamenye amakuru y’uko hari abantu bari kumushakisha ngo bamwice ikibazanye ari ukumurinda.

Achulani yakomeje agira ati: “Batubwiraga ko ari aba polisi ndetse bakatubwira ko hari bamwe mu baturanyi bacu bamaze gufatwa, gusa nkomeza gushidikanya ariko baza ku mbwira amazina y’umuyobozi mukuru wa polisi mu gace kacu dutuyemo ariko umutima ukomeza gutera cyane mfite n’igihunga cyinshi.”

Byageze aho umugabo we ndetse na bamwe mu baturanyi bemera kubaherekeza kuri sitasiyo ya polisi abo bagabo bavugaga ko ariho aba acungiwe umutekano mu gihe bagikurikirana abo bagizi ba nabi ngo babakurikirane gusa mu kugerayo basanze hafunze nta muntu uhari maze ba bagabo batanu bahamagara abandi bababwira ko hafunze nuko abo bahamagaye bababwira ko bagomba gukora ibishoboka bakabageza ku yindi sitasiyo yari iri kure yaho ngaho bagamije gusa kubananiza ngo bamutware wenyine.

Gusa umugabo we akomeza ababaza impamvu bashaka kuba bamucumbikiye kuri sitasiyo ya polisi kandi nta cyaha ashinjwa gusa bamaze kubona ko bakomeje gushyirwaho igitutu na bamwe mu baturanyi bari baherekeje Achulani bafashe icyemezo cyo kubasiga aho baragenda.

Nyuma y’ibyabaye Achulani arahangayitse…

Mu kiganiro yahaga umunyamakuru wa BBC yagize ati: “Nyuma y’uwo munsi ubuzima bwanjye bwarahindutse bikomeye, mfite abana umunani bamwe muri bo bakeneye kujya mu mashuri yisumbuye.

mbere y’uko ibyo biba nabashaga kujya ku isoko nka curuza imboga nkabona ikibatunga none ubu ubwoba ni bwinshi sinyibasha kurenga mu rugo, ninjye wabashakiraga ibikoresho by’ishuri none kugeza kurubu hari bamwe mu bana bacu bamaze kwirukanwa ku mashuri bigaho.

Sinibaza ko hari icyo polisi cyangwa se leta yacu ikora mu kubungabunga ubuzima bw’ababana n’ubumuga bw’uruhu nka njye.”

LEAVE A REPLY

Please enter your comment!
Please enter your name here