Nyuma y’ubukwe bwi $1 gusa bakorewe ibirori by’umurengera

0
133

Mu gihe abandi baba bashyashyanye baciye ibikuba ngo amafaranga yabuze yo gutahisha ubukwe, umusore n’inkumi muri Kenya mu kwezi gushize batahishije ubukwe bugendaho akayabo k’Idorari rimwe gusa, none Abanyakenya biyemeje kubashakira ubufasha ku munsi wa Saint Valentin babakorera ibirori bya kataraboneka.

ubukwe bwi $1

Amakuru y’ubu bukwe yatakajwemo $1 yagiye asakara hirya no hino ku mbuga nkoranyambaga bagaragaza urukundo rw’akataraboneka rw’Wilson na Ann Mutura bemeye ntibita kubukene bwabo bakora ibigendanye n’ubushobozi bari bifitiye ariko barasezerana imbere y’imana bacyura ibirori, Benshi mu bagiye bagerwaho n’amakuru y’ubu bukwe biyemeje kugira icyo bakora ngo batere uyu muryango ingabo mu bitugu maze bibere isomo n’abandi ko ahari urukundo rw’uzuye koko ibintu bitakabaye intambamyi ngo bubuze ubukwe gutaha.

Ku bukwe bwabo bwa mbere Wilson wari wiyambariye ipantalo ya Jeans isanzwe ndetse n’agapira gaciriritse yashatse impeta ibyuma bibiri by’uruziga bihwanye n’urutoki rwabo aribyo byakoreshejwe nk’impeta yemeza ko bahawe isezerano. None kurubu itangazamakuru rya Kenya rikaba ritangaza ko ibi birori bya kabiri bakoresherejwe bihagaze akayabo ki $35,000 bikorerwa mu mujyi wa Nairobi.

Kuri uyu munsi wa Saint Valentin uyu muryango wongeye ukora ikimenyetso cyo kwambikana impeta zo kubana akaramata z’imiringa mu birori bya kataraboneka. Kurundi ruhande uyu muryango uretse gukoresherezwa ibirori by’akataraboneka bitazibagirana na rimwe mu buzima bwabo wijejwe ubundi bufasha burimo amafaranga azakoreshwa mu gutangira ubucuruzi ndetse unahabwa imirima yo kuzajya bahingamo.

Wilson Mutura and his bride Ann
Wilson Mutura n’umufasha we Ann ku munsi w’ubukwe bwabo nta ndabo cyangwa se umutsima w’ubukwe bari bafite
The wedding car for Wilson and Ann Mutura
Iyi niyo midoka yatwaye aba bageni ku birori bya Saint Valentin

Leave a Reply