“Nzi ubuzima bwo kwitwa impunzi icyo buvuze”-Dejan Lovren umukinnyi wa Liverpool

0
126

Hasohotse inkuru mbarankuru ivuga ku buzima bwa gihunzi mu gihe henshi mu bihugu by’Iburayi bari guca abimukira bagana mu bihugu byabo, myugariro w’ikipe ya Liverpool Dejan Lovren akaba ariwe wayishyize hanze mu kiganiro yagiranye na televiziyo LFC TV.

impunzi

Lovren asaba kudaha akato benshi mu bimukira bagana uyu mugabane kuko nawe aho ageze atakwibagirwa inzira y’amahwa y’inzitane yanyuzemo ubwo yaburaga abagize umuryango we agahunga ava muri Croatia bagana iyu buhungiro mu Budage.

Yatangiye kwigaragaza ubwo yarakiri umwana akinira ikipe ya Dynamo Zagreb muri Croatia nyuma yaho aza kwerekeza mu ikipe ya Lyon yo mu Bufaransa, aho ikipe ya Southampton yaje kumubenguka nayo siyayitindamo nibwo yaje kwerekeza muri Liverpool abereye myugariro kugeza kurubu.

Mu busanzwe ajya agorwa no kuvuga akashize ke, avuge ubuzima bw’inzitane yanyuzemo mu bwana bwe ubwo yari impunzi biturutse ku ntambara za Bosnian Lovren yahunze agace k’iwabo ka Kraljeva Sutjeska muri Zenica ubwo yari afite gusa imyaka itatu gusa y’amavuko, gusa ibyabaye kubari barasigaye ubwo bagabwagaho igitero abagera ku bihumbi 100 bakahasiga ubuzima harimo na nyirarume we ndetse n’umuvandimwe we wicishijwe icyuma imbere y’abandi.

Lovren na Anita
Ifoto yo ku munsi w’ubukwe bwa Lovren na Anita

Lovren udakunda kuvuga ku byabaye kuri nyirarume agira ati: “Sinjya mvuga kuri marume kuko bamwishe urupfu rw’agashinyaguro ni ibintu iteka binkomerera…”

Umuryango we wakoze urugendo rungana n’amasaha 17 bahunga kubw’umutekano mucye wari iwabo bagana i Munich. “Twagize amahirwe. Njyewe n’umuryango wanjye, twagize amahirwe. Sogokuru wanjye yari asanzwe agenda mu Budage kubera yari asanzwe afite ibyangombwa by’inzira bimwemerera. Nibaza iyo bitaba uko icyari gukorwa. Byari gushoboka ko mbona njye n’umuryango wanjye mu bituro.”

Mu nkuru mbarankuru, Lovren yashyize ahagaragara ‘Ubuzima bwanjye nk’impunzi’ agenda agaruka uburyo imyaka irindwi bamaze mu gihugu cy’Ubudage umuryango we iteka wagendaga ugaruka ku buryo bagomba kuzasubira mu gihugu cy’amavuko. Gusa bagahozwa ku nkeke z’uburyo bagomba kongereza igihe cyabo cyo kwitwa impunzi kubera intambara iwabo babwirwaga ko yacogoye ariko ntacyizere na gicye bari bafite.

Igihe kimwe se wa Lovren yaraje arababwira ati: “Dufite igihe kigera ku mezi abiri gusa yo gupakira utwacu twose tugasubira iwacu” gusa iyi nkuru yaje ari nk’incamugongo kuri Lovren kuko yari amaze kunyurwa n’igihugu yari amaze gukuriramo amaze kugira abacuti benshi ntiyabyumva neza we yifuzaga kuhaguma.

Kuvuga kuri ubu buzima ntibijya bimworohera kubwo no kuba n’ababyeyi be badakunda ubigarukaho kuko akenshi bahita biyumva bibasubije inyuma mu mateka nkaho byabaye ejo hashize, umubyeyi we yari yaramusabye kuba atabigarukaho gusa we yiyemeza kubivugaho uko byagenda kose nubwo iki cyemezo cyaje kubabaza nyina umubyara ndetse bimuviramo n’amarira.

Lovren asoza ashimangira ko yizeye ko  ibikomere byabo bitazagira ingaruka ku rungano ruzaza nyuma ye bizaborohera mu kubana neza  ntabikomere nk’ibya basekuruza babo, “Umukobwa wanjye n’umuhungu wanjye byibuze bazabyirengagize bakomeze ubuzima. Sinibaza ko bazita cyane kuhashize ha Se wabo, kuko bazaba babaye mu buzima butandukanye n’ubwacu”

Lovren
Lovren akaba asanzwe ari umukinnyi w’imena w’ikipe ya Croatia

LEAVE A REPLY

Please enter your comment!
Please enter your name here