Pakistan: Umwiyahuzi yivuganye abagera kuri 72

0
10

Mu majyepfo y’igihugu cya Pakistan, umwiyahuze yagabye igitero ahantu hahurira abantu benshi basenga, yivugana abantu  bagera kuri 72 nkuko igipolisi cyabitangaje.

Ahabereye ubwicanyi
Ahabereye ubwicanyi

Uyu mwiyahuze yagabye iki gitero ku ngoro ntagatifu ya Sufi Lal Shahbaz Qalandar mu mujyi wa Sehwan mu ntara ya Sindh. Minisitiri w’Intebe wa Pakistan Nawaz Sharif yahise anenga bikomeye iby’icyo gitero kigambwe na Islamic state.

Iki kibaye igitero cya mbere gihitanye abantu benshi kigambwe na Islamic state ndete n’indi mitwe  yitwara gisirikare harimo nk’Abatalibani.

Ababibonye bavuga ko uyu mwiyahuzi yaje nk’umuntu uje gusenga nyuma aza gufungura gerenade ayitukiriza hejuru.

Ibitangazamakuru byo muri iki gihugu bitangaza ko imibiri yitereraga hejuru yaba iy’abana n’abagore.

Amashusho agaragara imbere ahabereye ubu bwicanyi, inyubako yari yahindanyijwe n’amaraso ndetse n’imyenda yahindanye.

BBC itangaza ko muri abo bantu bapfuye 43 bari abagabo,  abagire icyenda n’abana 20. Abagera kuri 250 bakaba bakomeretse nkuko igipolisi cyabitangaje.

Mu msaha abiri impanuka ikimara kuba imodoka z’imbangukiragutaba zahise zihagera  abakomeretse bajyanwa kwa muganga, igisirikare na cyo kikaba cyari kiteguye kujyana indege yacyo mu gutabara abakomeretse bikabije.

Leave a Reply