Pastor P ati “Dukunde muzika yacu, n’abanyamahanga bazayikunda”

0
251

Pastor P ni umwe mu bagabo bafatiye runini muzika nyarwanda bitewe n’indirimbo zitandukanye yakoze zikagera kure cyane aho twavuga nka Habibi ya The Ben, Indoro ya Charly na Nina n’izindi nyishi.

Producer Pastor P
Producer Pastor P

Pastor P ari mu ba producer bafite inararibonye muri aka kazi ko gutunganya umuziki bitewe n’imyaka awumazemo.

Mu kiganiro kirambuye yagiranye na Touchrwanda yatubwiye zimwe mu mbogamizi abona zituma umuziki wacu utaguka cyane, ndetse anatanga inama ku bahanzi n’aba Producer

Producer Pastor P

Yagize ati “Umuziki nyarwanda uri gutera imbere ku rwego rushimishije, ndetse n’abahanzi bari gushyira hanze indirimbo zikoranye ubuhanga, gusa harabura gukunda ibyiwacu bigakinwa ku ma radiyo n’ama televiziyo atandukanye yo mu gihugu imbere, hanyuma tukabona kwifuza ko no hanze badukina”

Abahanzi ndabasaba gukomeza gufatanya bagashyira hamwe, bagakora cyane kugirango ibikorwa bishya bize mu ruhando rwa Muzika bagahozaho, kandi bagakorera mu inzira ikwiye, bakanubaha indangagaciro z’umuco, batibagiwe no gusenga, abatunganya umuziki nabo(Producers) ndabasaba gukomeza gushyiramo imbaraga cyane, ndetse tugafatanya hagati yacu tukabasha gusangira ubumenyi butandukanye.

Yatubwiye uko abona King James, dore ko ari nawe muhanzi bakorana cyane

King James na Pastor P bakoranye kuva kera
King James na Pastor P bakoranye kuva kera

Yagize ati “King James ni umuvandimwe, n’umuhanzi mwiza, ni umuhanzi utarahindutse kuko urebye umuco n’ishyaka yari afite ataramenyekana niryo nubungubu agifite, ndamushimira cyane kuba atarayobye.

Leave a Reply