Pep Guardiola ababajwe n’ibihe Arsene Wenger abayemo kuri ubu

0
179

Nyuma yaho ikipe ya Arsenal itsindiwe mu mukino wa Champions League ibitego bitanu kuri kimwe n’ikipe ya Bayern Munich, umutoza w’iyi kipe Arsene Wenger ari mu bihe bitamworoheye aho benshi mu bakunzi b’iyi kipe bamaze kurambirwa imitoreze y’uyu mufaransa umaze imyaka irenga 20 atoza Arsenal.

Pep Guardiola ubwo yari mu kiganiro n’itangazamakuru, yagaragaje ko uburyo bamwe mu banyamakuru ndetse n’inzobere mu by’umupira w’amaguru bari gushyiraho igitutu kirengeje urugero kuri Arsene Wenger.Arsenal

“Ibyo maze kumva mu minsi 10 ishize, uburyo abantu, abari abakinnyi, abanyamakuru bari gufata Wenger ntibikwiye kwihanganirwa. Akazi turi gukora ubu ntikakigira agaciro ku mwanya waba uriho wose sinzi uko byagenze, niyo mpamvu tugomba gufata imyanzuro mwe mu kavuga uko mubishatse.” Aha Guardiola yagarukaga ku buryo abanyamakuru barembeje Arsene Wenger muri iyi minsi.

Wenger afite amasezerano agomba kurangirana n’uyu mwaka yo gutoza ikipe ya Arsenal gusa kuwa Gatanu w’iki cyumweru gishize yatangaje ko atazahagarika gutoza agifite indi myaka igera kuri ine akora uyu murimo n’ubwo yaba atakiri muri Arsenal azashaka indi kipe iyo ari yo yose ajyamo gusa kubwe arumva amahitamo ye yaba kuhaguma.

Leave a Reply