Perezida Farmajo wa Somalia ngo ibibazo bimaze imyaka 20, birasaba indi 20 ngo bikemuke

0
122

Perezida Mohamed Abdullahi Mohamed Farmajo yaraye arahiriye kuyobora igihugu cya Somalia mu muhango wabereye ku kibuga cy’indege mu rwego rwo kwirinda ko habaho ikibazo cy’ibitero by’imitwe y’iterabwoba nk’ Al-Shabaab umutwe ukorera muri Somalia.

Perezida wa Somalia Farmajo
Perezida wa Somalia Farmajo

Amakuru dukesha africatime.com avuga ko Perezida Farmajo mu kurahira kwe yavuze ko kugirango habe amahoro n’umutekano birambye bisaba igihe kitari gito kandi ko akenshi usanga byose binagendera ku bibazo by’amikoro make igihugu gifite, n’umutekano muke bigatuma ibikorwa byose batabasha kubikora uko babyifuza.

Perezida Farmajo kandi yanavuze ko ibibazo barimo byatangiye mu myaka 20 ishize bityo ko bishobora gusaba indi myaka irenga 20, kugirango bikemuke burundu.

Bamwe mu bayobozi bakuru bifatanije na Somalia muri uyu muhango nka Perezida wa Djibouti Ismail Omar Guelleh, Perezida Uhuru Kenyatta wa Kenya ndetse na Minisitiri w’intebe w’igihugu cya Ethiopia Hailemariam Desalegn, hamwe n’abandi bayobozi bakuru baturutse muri Kuwait na Egypt.

Umuryango w’abibumbye ONU ukaba waravuze ko abanyasomalia bagera kuri miliyoni esheshatu bakeneye kurindwa ibikorwa byangiza ikiremwamuntu, kandi ko abagera kuri  miliyoni eshatu bugarijwe n’ibibazo byo kurubura ibiribwa, bugarijwe n’imirire mibi bamwe bakahasiga ubuzima.

LEAVE A REPLY

Please enter your comment!
Please enter your name here