Rayon Sport inganyije na Police FC mu mukino perezida wa FIFA Gianni Infantino yarebye-AMAFOTO

0
240

Kuri uyu wa gatandatu tariki ya 25 Gashyantare 2017, Ikipe ya Rayon Sport yari yakinnye umukino w’ikirarane cya shampiyona n’ikipe ya Police FC, uyu mukino ukaba urangiye amakipe yombi anganya ibitego bibiri kuri bibiri.

Abakinnyi ba Rayon Sport basuhuzanya n'abakinnyi ba Police FC
Abakinnyi ba Rayon Sport basuhuzanya n’abakinnyi ba Police FC
Abasifuzi basifuye umukino wa Rayon Sport na Police FC
Abasifuzi basifuye umukino wa Rayon Sport na Police FC

Uyu mukino wari witabiriwe na perezida w’umupira w’amaguru ku isi, bwana Gianni Infantino waje mu Rwanda gushyira ibuye ry’ifatizo kuri Hotel y’inyenyeri 4 ya Ferwafa igiye kubakwa.

perezida wa FIFA, bwana Gianni Infantino yarebye umukino wa Rayon Sport
perezida wa FIFA, bwana Gianni Infantino yarebye umukino wa Rayon Sport

perezida wa FIFA, bwana Gianni Infantino yarebye umukino wa Rayon Sport

perezida wa FIFA, bwana Gianni Infantino yarebye umukino wa Rayon Sport
Akigera mu Rwanda yahise aza ku kibuga

Uyu mukino ntiwagaragayemo Moussa Camara na mugenzi we Cone, abanya Mali bakinira Rayon Sport bitewe nuko batarahembwa bakaba bivumbuye ku ikipe yabo.

Moussa Camara na Cone ntago bagaragaye ku kibuga
Moussa Camara na Cone ntago bagaragaye ku kibuga

Umukino watangiye amakipe yose afite imbaraga zidasanzwe gusa ku ruhande rwa Police FC imbaraga zari zose ndetse ibasha kurangiza igice cya mbere itsinze ibitego bibiri kuri kimwe cya Rayon Sport.

Ibitego bya Police FC byatsinzwe na Danny Usengimana na Mico Justin, mu gihe ku ruhande rwa Rayon Sport igitego kimwe cyishyuwe na Kwizera Pierrot, igice cya mbere kirinda kirangira Police FC ifite ibitego bibiri kuri kimwe cya Rayon Sport.

Mu gice cya kabiri, Rayon Sport yagarukanye imbaraga zidasanzwe ishaka kwishyura igitego kimwe yari yatsinzwe gusa bikomeza kugorana kugeza naho Rayon Sport yatsinze igitego bakacyanga bitewe nuko bari batsindishije intoki.

Ba Rutahizamu ba Rayon Sport barimo Nahimana Shasir na Nshuti Savior bakomeje gukora uko bashoboye gusa bikomeza kugorana, ibitego birabura.

Umukino ubura iminota irindwi ngo urangire, myugariro wa Police FC Patrick yitsinze igitego ku makosa yarakozwe n’umuzamu wa Police FC Bwanakweri maze amakipe yombi ahita anganya ibitego bibiri kuri bibiri, ibyishimo bitaha abafana ba Rayon Sport.

Kugeza ubu APR FC niyo iri ku mwanya wa mbere, ikaba ikurikirwa na Rayon Sport.

AMAFOTO: Muhizi Oliver

Leave a Reply