RSB iratungwa agatoki na ba rwiyemezamirimo bato mu kutabonera icyangombwa cy’ubuzinanenge ku gihe

0
169

Mu gihe Reta y’u Rwanda igenda ishishikariza abantu kwihangira imirimo, bamwe muri ba rwiyemezamirimo bagitangira baravuga ko kubona icyangombwa cy’ubuzirange gitangwa n’ikigo cy’igihugu gishinzwe ubuziranenge RSB ari ingorabahizi.

kubona icyangombwa cy'ubuziranenge ngo ni ingorabahizi ku bagitangira imishinga
kubona icyangombwa cy’ubuziranenge ngo ni ingorabahizi ku bagitangira imishinga

Nkundimana Cresant umwe mu rubyiriko bagaragaje guhanga udushya umwaka ushize, avuga ko RSB idindiza abantu mu kubona icyangombwa cy’ubuziranenge kuko ibyo bagusabye byose iyo umaze kubibona bagenda bongeraho ibindi byo batakubwiye mbere.

Yagize ati:”Hari igihe bagusubiza ikintu ngo gikosore noneho wamara kugikosora ukabibasubiza bagasanga biri complete ariko noneho ugasanga barongeye bagusabye izindi requirement batagusabye mbere, mbese imbongamizi zibamo ni inzira ndende binyuramo”.

Nkundimana akomeza avuga ko kubura icyangombwa cya RSB byamubangamiye cyane kubera ko hari amasoko yagiye atakaza kubera icyo cyangombwa.

Undi rwiyemezamirimo muto witwa Nshimiyimana Alexandre ukora amasabune n’amavuta muri avoka mu karere ka burera, na we avuga ko kubona icyangombwa cy’ubuziranenge gitangwa na RSB bikiri ingorabahizi.

Yagize ati:”Hari igihe nshyira nka product yanjye kuri facebook noneho nk’umuzungu yayibona akagusaba kuba yaguha isoko, ariko ugasanga umuntu abuze standard mark”.

Nshimiyimana akomeza avuga ko byaba byiza hagiyeho ikintu cyimeze nk’agakiriro kuri ba rwiyemezamirimo bato, ariko ako gakiriro kujuje ubuziranenge.RBC

Dr Mukeshimana Geraldine Minisitii w’Ubuhinzi n’Ubworozi avuga ko kubona icyangombwa bitagomba kugorana, ngo ahubwo icya mbere ni ukubona umusaruro, akavuga ko umunsi wabonetse n’ubundi bazajya bicarana na RSB mu kubona ibyangombwa.

Yagize ati:”RBS ni umufatanyabikorwa ukomeye cyane unahangayikishijwe ko product z’u Rwanda zijya ku isoko, aha ngaha rero haramutse hari ufite produit ziri mu nzira ihari ikeneye kubona icyangombwa, twese turicara na RBS kugira ngo iyi certificate iboneke ntabwo ari ikibazo gikomeye ari ubifite yabizana produit yabonetse ntabwo icyangombwa cyabura”.

Kuri ubu hari urubyiruko rwibumbiye hamwe rugamije kuvugurura imyumvire yagiye iranga urubyiruko mu kutitabira imishinga yo mu buhinzi n’ubworozi, nka kimwe mu bintu bitunze abaturage batari bake.

Nkurunziza Pacifique/touchrwanda.com

Leave a Reply