Ruswa iranugwanugwa mu rwego rw’abunzi

2
143

Urwego rw’abunzi rwashyiriweho gukemura ibibazo by’abaturage, ruravugwamo ikibazo cya ruswa nubwo ngo itaragera ku rwego rwo hejuru.

Annie Kairaba umuyobozi w’Ishyirahamwe Nyarwanda rigamije Iterambere Rirambye RISD
Annie Kairaba umuyobozi w’Ishyirahamwe Nyarwanda rigamije Iterambere Rirambye RISD

Annie Kairaba umuyobozi w’Ishyirahamwe Nyarwanda rigamije Iterambere Rirambye RISD, avuga ko ruswa yatangiye kumvikana mu bunzi, bari gushaka uburyo bwo kuyirwanya.

Yagize ati:”Ikibazo cya ruswa mu bunzi kirimo kuvugwa, turimo tugenda tubahugirira ibyo ngibyo by’ukuntu bifata, kandi turimo gukorana n’abantu ba MAJI ariko icyo kibazo nibyo cy’abunzi cyane cyane n’aba batowe ejo bundi kiravugwa, ariko ngira ngo ntigikabije, iyo twebwe tubikurikiranye tureba uko bakora akenshi nuko baba badafite ubushobozi bwo kw’engaging”.

Kalihangabo Isabelle Umunyamabanga uhoraho muri Minisiteri y’Ubutabera
Kalihangabo Isabelle Umunyamabanga uhoraho muri Minisiteri y’Ubutabera

Ikibazo cya ruswa mu bunzi gisanishwa no kuba akazi bakora karashyizwe mu mirimo y’ubukorerabushake, kugeza ubu Reta y’u Rwanda ntirashyiraho uburyo abunzi bajya babona agahimbazamutsyi gaturutse ku nshingano bahawe, Madam Kalihangabo Isabelle, umunyamabanga uhoraho muri Minisiteri y’Ubutabera avuga ko abunzi bahabwa ibyabafasha mu kazi kabo, ariko gahunda yihariye yo kubaha agafaranga ntirigwaho.

Yagize ati:”Abunzi dukomeza kubongerera ubushobozi binyuze mu mahugurwa, tubafasha tubaha ubwishingizi bw’ubuzima, tubafasha tubaha itumanaho ribafasha mu kazi, ubu ngubu twanatangiye kubafasha mu ngendo aho ikiburanwa kiri, kandi tuzakomeza kubafasha ku buryo ubwitange bwabo bazakomeza kubukora bitabavunnye cyane”.

Kugeza ubu hari bimwe mu byaha byagiye bivanwa mu rwego rw’abunzi nk’ibyaha bisaba inshinjabyaha, bikaba byarajyanywe mu nkiko. Kuri ubu ngo abunzi bakaba bashinzwe kunga abantu atari uguca imanza.

Nkurunziza Pacifique/touchrwanda.com

2 COMMENTS

  1. Ruswa ni ikibazo kingorabahizi, abunzi rero nabo bagomba kuyirwanya bivuye inyuma bakamaganira kure abashaka kuyibaha. Abunzi ntibagomba kwitwaza ko bakora nk’abakorerabushake ngo bakire ruswa. Banyarwanda mucyo twese nk’abitsamuye duhagurukire ruswa dufatanyije na Polisi yayihagurukiye mu buryo bw’umwihariko.

LEAVE A REPLY

Please enter your comment!
Please enter your name here