Tanzania: Umuyobozi w’ishuri yiyahuye

0
115

Mu gihugu cya Tanzania haravugwa urupfu rw’umuyobozi w’ishuri ryisumbuye rya Tumuli riherereye mu karere ka Mkalama,  akaba yapfuye yiyahuye.

umuyobozi w'ishuri yiyahuye akoresheje umugozi
umuyobozi w’ishuri yiyahuye akoresheje umugozi

Richard Makala w’imyaka 58 yiyahuye akoresheje umugozi, nkuko umuyobozi wa polisi ya sitasiyo ya Singida abitangaza.

Debora Magiligimba yavuze ko mu mujyi wa Singida, Richard Makala yabonywe yiyahuye akoresheje ikamba nko muri metero 130 uvuye mu rugo rw’iwe.

Uyu muyobozi wa polisi akomeza avuga ko nyirabayazana yo kwiyahura k’uyu muyobozi w’ishuri ngo ntiramenyekana ndetse ngo nta n’umuntu wari wafatwa akekwaho kugira uruhare mu rupfu rwe, ipererereza rikaba nrigikomeje.

Umwe mu bayobozi bakoranaga na Richard, Mabruki Ng’ui yabwiye Habarileo dukesha iyi nkuru ko uyu muyobozi yabaga wenyine,  ngo kuko yari yarashwanye n’umugore we bapfuye ibibazo bishingiye ku businzi.

Yagize ati:”Uyu mugabo yari yubatse ku izina gusa, umugore we aba kure ye kubera ibibazo birebire bagiranye,yabaga wenyine igihe kirekire cyane,  icyo gishobora kuba aricyo cyamuteye kwiyahura”.

Uyu muyobozi wiyahuye ubusanzwe avuka mu cyaro cya Ndago mu karere ka Iramba bikaba biteganyijwe ko aza gushyingurwa kuri uyu wa kabiri. akaba apfuye asize abana batanu.

LEAVE A REPLY

Please enter your comment!
Please enter your name here