Trump yikomye bikomeye itangazamakuru adasize n’abamubanjirije

0
140

Mu kiganiro yagiranye n’itangazamakuru kuri uyu wa Kane Perezida wa Leta zunze ubumwe z’Amerika Donald Trump yagarutse kuri byinshi byari bimaze kuba kururu kururu k’ubutegetsi bwe harimo umubano rwihishwa agirana n’igihugu cy’Uburusiya ndetse anagaruka ku mubano we n’itangazamakuru udacana uwaka.

Ni ikiganiro cyaranzwe cyane cyane no kwiyama itangazamakuru, Trump yagaragaje ko rikunda kwivanga cyane muri poritike ya Amerika ndetse nkuko yakunze kubivuga yiyamamaza ngo arashaka kugira Amerika igihugu k’igihangange nanone.Perezida Trump

Hakaba hari amakuru yuko Perezida Trump we ubwe ari we wagize uruhare runini ngo iki kiganiro gitegurwe maze ashyire  hane, Trump yagize ati: “Sinigeze mu buzima bwanjye mbona itangazamakuru ryubahuka nk’irya Poritiki” Ibi yabitangaje ashingiye ku makuru yaramaze kujya hanze agendanye n’iyegura ry’umwe mu bajyanama be mu by’umutekano Michael Flynn.

Trump agaragaza ko menshi mu makuru ajya hanze avuga ku mubano w’Amerika n’Uburusiya icyo aba agamije iteka ari ukumuharabika bikaba bikorwa na bamwe mu batarishimiye uburyo yatsinze Hillary Clinton mu matora y’umukuru w’igihugu.

Iki kiganiro n’itangazamakuru cyateguwe by’igitaraganya kuko kugeza mu gitondo cyo kuri uyu wa Kane aribwo yasabye abajyanama be gutegura ngo abone uburyo yirwanaho ashyire ukuri kwe ahabona, Trump yagarutse kandi ku kuba ubuyobozi bwamubanjirije yaraje agahabwa ubutegetsi bwari burimo akavuyo n’umwanda ari yo mpamvu hari byo yagombaga kubanza gushyira mu mwanya wabyo nkuko byagakwiye.

Uyu mujinya wose Trump ari kuwuterwa no kuba nta mwuka mwiza uri kurangwa muri White House, uretse kuba hari bamwe mubarwanashyaka be bamukuyeho amaboko ndetse n’urukiko rukanga gushyira umugambi n’itegeko rye mu ngiro mu bigendanye no gukumira bya bihugu birindwi bituwemo n’Abasilamu yifuzaga ko batagomba gukandagiza ikirenge cyabo kubutaka bw’Amerika, Trump arembejwe kandi n’uburyo itangazamakuru iteka ritamuha agahenge ngo agere ku mishinga ye yiyemeje.

Mu gukomeza yikoma itangazamakuru Trump yagize ati: “Ku munsi wejo, bazatangaza ko Donald Trump yataye ibitabapfu mu kiganiro n’itangazamakuru; Ndagirango mbamenyeshe ko ibi atari ubusazi, ndagirango mbabwire ko muri abantu barangwa n’agasuzuguro.”

Muri iki kiganiro Perezida Trump yagarutse kandi ku iterambere amaze kugeza kubaturage ba Amerika mu byumweru bigera kuri bine gusa arahiye. yagize ati: “Twagize iterambere ry’agatangaza. Sintekereza ko hari undi muyobozi mwagize nkanjye wakoze ibi bintu mu gahe gato nka kanjye, ubu buyobozi mufite buri gukora nk’iki mashini kikaraga ubutaruhuka.”

Muri iki kiganiro kandi Trump yikomye inzego z’ubutabera bwanze gushyira mu ngiro itegeko ryo gukumira abimukira mu gihugu cya leta zunze ubumwe z’Amerika ndetse anikoma Obama kuba ubwo yari akiri kuzinga utwe muri white House yarinjiraga mu mabanga ya Trump akaba ariyo mvano y’ibyasohotse byose mu itangazamakuru.

Erick M. Ruzindana/Touchrwanda.com

Leave a Reply