Ubukene ntabwo ari umuturanyi mwiza-Perezida Kagame

0
93

Mu ruzinduko umukuru w’igihugu ari kugirira mu karere ka Nyagatare kuri uyu wa mbere, yongeye kwibutsa abaturage b’aka karere ko, bagomba gukora ibishoboka byose bagahangana n’ubukene.

Perezida kagame yashimiye abaturage iterambere bamaze kugeraho mu buhinzi n’ubworozi, aho yavuze ko mbere bahingaga Ha imwe ikavamo toni imwe 3 gusa ariko kuri ubu bakaba bamaze kugeza kuri toni zirindwi.

Perezida Kagame avuga ko bagomba kurwanya ubukene ngo kuko ubukene atari umuturanyi mwiza.

Yagize ati:”Turashaka guca ubukene turashaka kurwanya ubukene, ubukene ntabwo ari umuturanyi mwiza turabashimira uburyo mumaze gutera imbere mu buhinzi n’ubworozi no mu bindi”.

Mu bindi Perezida Kagame yagarutseho, yijeje aba baturage ba Nyagatare ko bagomba guca ukubiri n’agatadowa buri muturage akagerwaho n’amashanyarazi.

Akarere ka Nyagatare ni kamwe mu turere tugize intara y’Uburasirazuba kakaba kari ku buso bungana na kirometero kare 1741, aka karere kakaba gafite abaturage bagera ku bihumbi 456.

Nkurunziza Pacifique/touchrwanda.com 

Leave a Reply