Ubwongereza buravugwaho gutera inkunga imitwe y’iterabwoba

0
241

Leta y’Ubwongereza iri gushyirwaho igitutu ngo itange ubusobanuro bw’ama Miliyoni arenga 20 bivugwa ko akoreshwa mu bikorwa byo gukurikirana imfungwa z’Ubwongereza zifungiye muri gereza ya Guantanamo hari amakuru y’uko ashyikirizwa intagondwa zigendera ku mahame ya Islam zo muri Iraq.

Ubwongereza iterabwoba

Aya makura yafashe indi ntera nyuma y’urupfu rw’umwe mu ntagondwa wari warafungiwe muri gereza ya Guantanamo uzwi ku mazina ya Jamal al-Harith bivugwa ko yahawe agera kuri Miliyoni y’ama Pounds y’imisoro y’abaturage b’Ubwongereza mbere y’uko ajya muri Iraq aho yaje kwiturikirizaho igisasu mu gitero cy’ubwiyahuzi.

Jamal al-Harith akaba ari umugabo wavukiye mu gihugu cy’Ubwongereza mu mwaka wi 1966 ku mazina ya Ronald Fiddler aho yaje kuyoboka idini ya Islam ariho yahinduriye amazina agenderaho akitwa Jamal al-Harith, avukira mu mujyi wa Manchester ku babyeyi bafite inkomoko muri Jamaica aho yaje gufatwa n’ingabo za America muri Pakistan aho yari mu ngabo za aba Taliban.

Image result for harith
Jamal al-Harith wisunze imitwe igendera ku matwara ya Islam ISIL

bamwe mu nzobere mu by’iterabwoba mu bwongereza ndetse n’abandi banyepolitike batangaje ko amafaranga byavugwaga ko atangwa mu gihe cy’imyaka igera kuri ibiri bivugwa ko yatangwaga kuri al-Harith yaba yaroherezwaga muri Iraq ndetse no muri Levant mu gufasha inyeshyamba zigendera ku matwara ya Islam zizwi nka Isil.

Gereza ya Guantanamo ikaba icumbikiyemo imfungwa z’Abongereza zigera kuri 17 gusa bane muri bo bakaba baragiye bavugwa ko hari imitwe ya Islam bagiye bakorana nayo muri Syria.

Nkuko ikinyamakuru Telegraph dukesha iyi nkuru kibitangaza Theresa May Minisitiri w’Intebe w’Ubwongereza akaba ari guhatwa ibibazo ngo atange ibisobanuro byimbitse kuri aka kayabo k’ama Pounds ubwo yari umunyamabanga wa Leta ko yari azi byinshi kw’ikoreshwa ry’aya ma Miliyoni mu bikorwa byo kubungabunga umutekano. guverinoma y’ubwongereza ikaba yararenzaga ingohe incuro zirenga 17 zose yagiye ibazwa ku mafaranga yishyurwa kuri al-Harith gusa ikavuga ko ibyo bireba urwego rw’ubutasi gusa.

Theresa May

Theresa May akaba yaragiye kenshi abazwa uburyo al-Harith yaba yararenze imipaka akarinda agera muri Syria  kandi yari ku rutonde rw’abakora iterabwoba ndetse naho akahava arinda ajya muri Turkey yinjira muri Isil ntakurikiranwe.

Leave a Reply