Uganda: Abagizi ba nabi bivuganye abashinwakazi babiri

0
224

Kampala hatangiye iperereza ku bagizi ba nabi bataramenyekana, nyuma yo kwivugana abashinwakazi babiri mu buregerazuba bwa Makerere mu gace ka Kikoni.

abashinwakazi biciwe muri Uganda
Abashinwakazi biciwe muri Uganda

Imibiri y’aba bashinwakazi yari yatangiye kwangirika, yabonetse mu nzu bakodeshaga mu gitomdo cyo kuri uyu wa gatatu nkuko umukuru wa polisi muri Uganda, Generali Kayihura wasuye ahabere aya mahano abitangaza.

Polisi ivuga ko aba bagore  bashobora kuba barahitanywe mu mpera z’icyumweru gishize cyangwa mbere yaho.

inzu bakodeshaka nyirayo yaburiwe irengero
Inzu bakodeshaga nyirayo yaburiwe irengero

Iyi nzu bakodeshaga ivugwa ko iminsi mike ishize yari urusengero, ariko nyirayo  ubu uri gushakishwa na polisi magingo aya akaba yaburiwe irengero.

Daily Monitor dukesha iyi nkuru itangaza ko abayobozi bavuye muri ambasade y’ubushinwa, bakaba basuye ahabereye aya mahano mu gufasha polisi gukora iperereza ry’aba bagore babashinwa bishwe.

Yanditswe na Nsanzimana Geramiain 

Leave a Reply