Umudipolomate w’Uburusiya muri Loni wabikoraga abikuye ku mutima yatabarutse

0
71

Uwari uhagarariye igihugu cy’Uburusiya Vitaly Churkin mu Muryango w’Abibumbye yafashwe n’uburwayi bw’igitaraganya ahita apfa ubwo yari mu mirimo ye muri leta zunze ubumwe z’Amerika kuri uyu wa Mbere nkuko byatangajwe na minisitiri w’ububanyi n’amahanga w’Uburusiya.

Ambassador Churkin

Ntiharajya ahagaragara imvano y’icyateye urupfu rw’uyu mu ambasaderi Churkin dore ko haburaga umunsi umwe gusa ngo isabukuru y’amavuko igere.

Umwe mu bayobozi ba Leta zunze ubumwe z’Amerika gusa utahawe uburenganzira bwo kugira icyo atangariza muruhame yatangaje ko Churkin yazize indwara y’umutima.

Perezida Putin w’Uburusiya akaba yashenguwe bikomeye n’amakuru y’urupfu rwa Churkin aho yafataga uyu mugabo nk’uw’ingenzi cyane mu bigendanye na dipolomasi y’iki gihugu.

Leta y’u Rwanda ikaba yashenguwe bikomeye n’urupfu rw’uyu mu ambasaderi, nkuko byatangajwe na minisitiri w’Ububanyi n’amahanga w’u Rwanda abicishije ku rubuga rwe rwa Twitter aho yagize ati: “Twifatanyije n’Umuryango, inshuti n’igihugu cy’u Burusiya ku bwa Ambasaderi Vitaly Churkin wari umaze igihe agihagarariye muri Loni. Naruhukire mu mahoro, Umudipolomate wabikoraga abikuye ku mutima.”