Umuyobozi mushya w’umujyi wa Kigali yamenyekanye

0
139

Mu muhango wabereye ku cyicaro cy’umujyi wa Kigali kuri uyu wa Gatanu abagize nama njyanama y’umujyi wa Kigali bitoreye umuyobozi mushya ugomba gusimbura Mukaruriza Monique watorewe guhagararira u Rwanda mu gihugu cya Zambia.

Ku bwiganze bw’amajwi umukandida waje ahagarariye akarere ka Gasabo Nyamurinda Pascal niwe watsindiye uyu mwanya akaba yari asanzwe ari umuyobozi mukuru w’ikigo gishinzwe Irangamuntu NIDA kuva muri 2007 aho yaje kuva kuri iyi mirimo akaba yari yasimbujwe kuri uyu mwanya mu nama y’abaminisitiri yo kuwa 03 Gashyantare 2017.

Nyamurinda akaba yatsinze kuri uyu mwanya ku majwi 161 y’abagize komite njyanama y’umujyi wa Kigali bamugiriye icyizere kuri uyu mwanya.

Nyamulinda Pascal niwe watorewe kuba Meya mushya w’Umujyi wa Kigali
Mayor mushya w’umujyi wa Kigali Nyamurinda Pascal

Nyamurinda akaba yagize amajwi 161 ku bantu 196 bari batoye naho UImuhoza Aurore bari bari guhatanira uyu mwanya agira 35 ku bantu 196 batoye.

Minisitiri w’Ubutegetsi bw’Igihugu Francis Kaboneka yasabye Meya mushya guharanira gukorana n’abandi, agira ati: “Umutwe umwe wifasha gusara” Amusaba gufatanya n’abayobozi ndetse n’abaturage ngo abashe kuzuza neza inshingano ze.

Hafashwe ifoto y'urwibutso
Hafashwe ifoto y’urwibutso

Mu bindi Minisitiri Kaboneka yasabye Meya mushya harimo kubahiriza igishushanyo mbonera cy’umujyi wa Kigali.

Nyamurinda abaye meya wa Gatanu mu bayoboye umujyi wa Kigali nyuma ya Mutsindashyaka Théoneste (2001-2006), Kirabo Aissa Kacyira (2006-2011), Ndayisaba Fidèle(2011- 2016) na Mukaruliza Monique (2016-2017).

Nkurunziza Pacifique& Eric Ruzindana/touchrwanda.com

Leave a Reply