Uyu mukobwa akeneye abantu bamugira inama

1
314

Umukunzi wa Touchrwanda yaratwandikiye agira ngo tumugire inama kubera ikibazo gikomeye afite, ndetse akaba yari yabuze uko abyitwaramo bitewe nuko bimukomereye cyane.

Uyu mukobwa akeneye umuntu umugira inama

Uyu mukobwa yitwa Jane akaba atuye mu karere ka Gasabo ho mu mujyi wa Kigali, iyumvire ubutumwa bwe muze umuhe inama ku kibazo afite.



Yagize ati “Nakundanye n’umuhungu arankunda na njye ndamukunda, urukundo rwacu rutangira gukomera, dutangira no kubitsanya amabanga akomeye cyane aba hagati yacu mu buzima bwacu bwa buri munsi.

Uyu musore ndamukunda cyane kandi na we arankunda pe, gusa hashize nk’amezi atandatu yambwiye ko ashaka ko twaryamana kugira ngo urukundo rwacu rurusheho gukomera, gusa ndamwangira mubwira ko ndabanza kubitekerezaho neza.

Nagishije Inama bagenzi banjye, bambwira ko mbere yuko turyamana namusaba kubanza tukajya kwipimisha, noneho tukabona kuba twaryamana, dore ko uyu musore n’ubundi nabonaga yazambera umugabo.

Umusore naragiye mubwira ko byaba byiza tubanje kujya kwipimisha kugira ngo turyamane nta kibazo dufite hagati yacu, na we yaranyemereye turagenda turipimisha, hanyuma dutegereza ibisubizo.

Icyantunguye ndetse kikambera ikibazo gikomeye twasanze uwo muhungu yaranduye afite Sida, kugeza n’ubu sindabyiyumvisha bitewe n’urukundo mukunda.

None ndangira ngo mungire inama, nkore iki ko numva nabuze amahoro bitewe n’urukundo namukundaga kandi ari kunsaba kumuba hafi cyane simutererane?



1 COMMENT

  1. Kiza amaguru, yabangire ingata were kuba igishwi. Nta n’ubwo wari ukwiye kubaza cg ngo ugishe inama, keretse niba ushaka kwiyemeza ubuzima butagize icyo bukumariye kuri iyo ngingo yagusabaga, nta mibonano n’uwo wita ngo urakunda. Abo gukunda bazima warababuze?

LEAVE A REPLY

Please enter your comment!
Please enter your name here