Uyu musore akeneye umuntu umugira inama

0
161

Nkuko abakunzi b’ikinyamakuru cya touchrwanda.com bagenda batwandikira basha ko bagirwa inama z’ibibazo biba bibugarije, ariko ibyinshi usanga ari ibishingiye ku rukundo.

Uyu musore akeneye umuntu umugira inama
Uyu musore akeneye umuntu umugira inama

Uyu musore atuye mu mujyi wa Kigali mu karere ka Nyarugenge yatangiye agira ati”Nkeneye umuntu wangira inama ku ihurizo nahuye na ryo, nakundanye n’umukobwa turakundana birakomera ndetse dutangira gupanga n’imishinga yo kubana, ubwo umukunzi wanjye yaje gukomeza amasomo ariko biba ngombwa ko ajya kuyakomereza mu gihugu cya cyenya, icyo gihe numvaga twajyana kuko numvaga nta hantu yajya tutari kumwe, ariko kubera ubushobozi buke yaje kugenda wenyine ariko ansigira isezerano ryuko tuzabana, iminsi yarashize indi irataha nyuma aza kunyandikira ibaruwa ambwira ko yabonye indi nshuti y’umusore bakundana, kandi bagomba kubana.

Iyo barura nkimara kuyibona, nabaye nkutaye umutwe mbura aho nkwirwa gusa muri icyo gihe nakomeje kwihangana sinamwanga ahubwo nkomeza kwihangana. Nyuma nibwo naje kubona undi mukobwa umpoza amarira nari naratewe n’umukunzi wa mbere. Uwo mukunzi mushya twarakundanye arankunda na njye ndamukunda aranyizera na njye ndamwizera, ariko ku mpamvu zuko nta ruhare nagize mu gutandukana n’uwa mbere  numva go nta mujinya mufitiye kuko nari imfite umukunzi mushya.

Urukundo rwanjye n’umukunzi mushya rwarakomeje ariko nza kubona umukunzi wa mbere araje ansaba imbabazi ku byo yambwiye ambwira ko namubabarira tugakaomeza mu rukundo ambwira ko ibyo yankoreye yabisabiye Imana imbabazi na njye ngomba kumubabarira.

Mu by’ukuri uyu mukunzi simwanga ariko nyuma yo kugenda naje kubona undi mukunzi, none mungire inama nkomezanye n’umukunzi mushya? Ese ko umukunzi wanjye wa mbere namukundaga byabuze urugero nkomezanye na we kuko yaje kunsaba imbabazi? Mungire inama.

Nawe niba ufite ikibazo ushaka kugisha inama ntutinye kutwandikira unyuze kuri iyi email: touchrwanda2014@gmail.com

Leave a Reply