Voice of Angels igiye gushyira hanze alubumu ya mbere y’amajwi

1
248

Abagize korali Voice of Angels babarizwa muri kaminuza y’u Rwanda ishami rya Nyagatare bagiye gushyira hanze umuzingo wabo wa mbere ugizwe n’indirimbo 9 ziri mu majwi, mu gitaramo giteganyijwe   kuba tariki ta 19 Gashyantare 2017.

Voice of Angles igiye gushyira hanze alubumu ya mbere y’amajwi
Voice of Angels igiye gushyira hanze alubumu ya mbere y’amajwi

Korali Voice of Angels igizwe n’abaririmbyi biganjemo abasore n’abakobwa 84, izi ndirimbo bagiye gushyira hanze mu muzingo wabo wa mbere (Album) bitiriye “Ingabo Inkingira” ziri mu rurimi rw’ikinyarwanda n’igifaransa.

Mu murimo w’ivugabutumwa iyi korali ibarizwa mu muryango w’abanyeshuri babarizwa muri Kiliziya Gaturika, bakaba bakorera muri kaminuza y’u Rwanda ishami rya Nyagatare .

Uretse kuba iyi korali igiye kumurika indirimbo zayo,ngo hari ibindi bikorwa basanzwe bakora harimo nko gusura  abarwayi ndetse bagafasha abantu batuye muri aka gace babarizwamo.

Umuyobozi wa Voice of Angels, Desire Crispin Iradukunda avugana na Touchrwanda yayitangarije ko intego bagenderaho ivuga ngo uririmbye neza aba asenze kabiri (Qui bene cantat bis orat) .

Uyu muyobozi akomeza ashishikariza abakunzi b’indirimbo zihimbaza Imana kumva izi ndirimbo ziri mu Kinyarwanda n’igifaransa, ngo kuko zinogeye amatwi kandi zikaba magingo aya ziboneka mu rwego rwo kubatera ingabo mu bitugu no kwagura umurimo w’Imana.

Iyi alubumu iriho indirimbo nka Twaje ku iriba, Pas a Pas, Mariya Udusabire, Uhoraho ni Ubuhungiro n’izindi zitandukanye.

Babifashijwemo na paruwasi Gaturika ya Nyagatare bakaba bazamurika uyu muzingo ku mugaragaro mu gitaramo bateguye kizaba tariki ya 19 Gashyantare 2017 kikazabera mu cyumba k’inama Umutara Complex Hall (Cyamazima) saa 2:00 bafatanyije n’amakorali atandukanye harimo Lumen Christi n’ijwi ry’Imana.

Yanditswe na Nsanzimana Germain

1 COMMENT

Leave a Reply