Abafungiwe amasomo bigaga muri amwe mu mashuri makuru bashyiriweho uburyo bwo kuyakomeza

0
430

Nyuma y’aho Minisiteri y’uburezi ifungiye amwe mu mashami yigishwaga mu mashuri makuru harimo nk’ay’ubuvuzi yigishwaga muri Kaminuza ya Gitwe, kuri ubu hashyizweho uburyo abanyeshuri bayigaga bayakomereza mu yandi mashuri makuru na za kaminuza.

abanyeshuri bashyiriweho uburyo bwo gukomeza amasomo yabo
abanyeshuri bashyiriweho uburyo bwo gukomeza amasomo yabo

Nkuko bigaragara mu itangazo ryasinyweho na Dr.Innocent S. Mugisha Umuyobozi Mukuru w’Inama nkuru y’Igihugu y’Amashuri Makuru, iri tangazo riragaragaza inzira abanyeshuri bifuza  gukomeza amasomo banyuramo batarinze gucikanwa.

Ifungwa ry’amwe mu mashami yabarizwaga mu mshuri makuru, nk’ishuri rikuru rya Gitwe byateje impagarara aho nk’ubuyobozi bwa kaminuza ya Gitwe bwavugaga ko icyemezo cyafashwe cyaje gitunguranye.

Amwe mu mashami y’ubuvuzi yahagaritswe harimo ishami ry’ubuvuzi no kubaga (Bachelor of Medecine and Surgery), ishami ry’Ubumenyi mu by’ikoranabuhanga ryo gupima indwara (Bachelor of Science in Medical Laboratory Technology), ndetse n’ishami ry’amasomo ajyanye n’ubuforomo (Bachelor of Nursing programs) iri rikaba ryahagaritswe by’agateganyo mu gihe ritarashyira mu bikorwa ibyo ryasabwe.

Kugeza ubu muri Kaminuza ya Gitwe harabarirwa abanyeshuri mbarwa, kuko aya mashami yafunzwe ngo niyo yari afite abanyeshyuri benshi.

Leave a Reply