Adele yamaze gukuraho amazimwe yemera ko yasezeranye

0
213

Umuhanzikazi w’Umwongereza Adele ukorera umuziki we kurubu muri leta zunze ubumwe z’Amerika akaba yeruye kumugaragaro ko asigaye abana mu buryo bwemewe n’amategeko n’uwo yihebeye.

adele
Adele n’umugabo we Simon

Adele Laurie Blue Adkins yavutse tariki ya 5 Mata 1988 avukira mu gihugu cy’Ubwongereza nyuma yaho arangirije amasomo ye muri Kaminuza mu mwaka wa 2006 yaje guhabwa amasezerano n’inzu itunganya umuziki ya XL Recordings nyuma yaho umwe mu nshuti ze asangije indirimbo uyu muhanzikazi yari yakoze ku rubuga nkoranyambaga rwa Myspace abayobozi b’iyi kompani baramukunda bifuza ku mukoresha.

Nyuma yo gutsindira ibihembo bigiye bitandukanye uyu muhanzikazi yifuje kwagura ibikorwa bye muri Amerika aho umuziki wateye imbere naho biza ku muhira nyuma y’indirimbo zagiye zimwinjiza muruhando neza harimo nka Someone like you ndetse na Hello yaje gukundwa hirya no hino ku isi igasubirwamo n’abantu mu ndimi zabo.

Adele kurubu akaba yarafite umwana w’umuhungu Angelo James Konecki w’imyaka ine y’amavuko yabyaranye na Simon Konecki gusa bakaba bari bamaze igihe kirekire batarafata icyemezo cyo kubana nk’umugore n’umugabo.

Ubwo yari ku rubyiniro mu gitaramo yakoreraga muri Brisbane ho muri Australia yeruriye abari bitabiriye ibyo birori ko yamaze gufata icyemezo mu buzima akemera guharira ubuzima bwe umugabo babyaranye imfura ye Simon Konecki.

Ubwo yarageze ku ndirimbo Someone like you yakoze mu mwaka wa 2011 ndetse ikaza kwigarurira imitima ya benshi adele yagize ati: “Ibyo byiyumvo wiyumva mu gihe ugiye mu rukundo bwa mbere muri wowe nibyo byambere byagatangaza kuri iyi isi, ndetse nari naratwawe mu buryo buri hejuru n’ibyo byiyumvo. Gusa kurubu si uko bikiri kuko ubu narashyingiwe.”

Umuhanzikazi Adele ufite imyaka 28 y’amavuko akaba yarashyingiranwe na Simon Konecki w’imyaka 42 y’amavuko washinze umuryango wita mu kugeza amazi meza ku isi bikaba  bivugwa ko batangiye guhuza urugwiro mu mwaka wa 2011 ndetse bakaba bafitanye umwana umwe w’umuhungu Angelo James.

Leave a Reply