Afghanistan: Abantu 30 baguye mu gitero cy’abarwanyi ba kisilamu i Kabul

0
189

Abantu barenga 30 baguye mu gitero cy’abarwanyi ba kisilamu (Islamic States) biyoberanyije bambara nk’abaganga batera ibitaro bya gisirikari, Sardar Daud   abarenga 50 barakomereka.

Abantu 30 baguye mu gitero cy'abarwanyi ba kisilamu i Kabul
Abantu 30 baguye mu gitero cy’abarwanyi ba kisilamu i Kabul

Aba barwanyi bitwaje imbunda na gerenade binjiye mu bitaro bya gisirikari “Sardar Daud” biherereye i Kabul maze umuriro uraka batangira kurasa abarwayi n’abayobozi bibi bitaro.

Nyuma y’amasaha menshi abakomando baje gutanga ubutabazi barwana n’aba barwanyi ba kisilamu (Islamic states) bicamo bane.

Kugeza magingo aya umutwe wa kisilamu (Islamic States) ukaba wigambye kuba ari wo uri inyuma y’ubu bwicanyi n’aho abataribani bakaba bahakaniye ubu bwicanyi kure.

Perezida wa Afghanistan Ashraf Ghani yatangaje ko mu bice byose ibitaro bifatwa n’ahantu bakingira kuhatera ari ugutera Afgahanistan yose.

Yagize ati “Mu bice byose ibitaro bifatwa nk’ahantu bakingira, kuhatera ni ugutera Afghanistan yose.”

Umwe mu bari muri ibi bitaro akaba yanditse kuri facebook agira ati “Abarwanyi bari imbere mu bitaro mudusengere.”

Nyuma y’amasaha 6 barwana umuvugizi wa minisiteri y’ubuzima yaje kwandika ku rukuta rwa Twitter avuga ko imirwano yarangiye abarwanyi bane ba kisilamu bahasize ubuzima

Bbc ivuga ko umwe mu baganga wabashije gucika yabonye umurwanyi wa Islamic States   yambaye ikote rirerire atangira kurasa abarwayi, abarinda umutekano n’abaganga.

Yanditswe na Nsanzimana Germain

Leave a Reply