APR FC inganyije na Musanze FC

0
238

Kuri uyu wa gatanu tariki ya 3 Werurwe 2017, ikipe ya APR FC yari yahuye n’ikipe ya Musanze FC mu mukino w’umunsi wa 19 wa AZAM Rwanda Premier League, uyu mukino ukaba wabereye kuri sitade ya Kigali i Nyamirambo.

APR FC inganyije na Musanze

APR FC ntiyorohewe muri ino minsi bitewe nuko ubwo iheruka gukina, yatsinzwe na Gicumbi FC igitego kimwe k’ubusa, none inganyije na Musanze igitego kimwe kuri kimwe(1-1)

Igitego APR FC yatsinzwe cyaturutse kuri Penaliti yari ivuye ku ikosa rya Imanishimwe Emmanuel wakoze umupira n’amaboko, maze Wai Yeka, rutahizamu wa Musanze FC aba atsinze igitego cya mbere ku 38 w’igice cya mbere cy’umukino.

APR FC yakomeje gukora uko ishoboye ngo yishyure gusa bikomeza kuba ingorabahizi, umukino wenda kurangira ku munota wa 80, APR FC ibifashijwemo na Sibomana Patrick Papy yahise ayibonera igitego cyo kwishyura amakipe yombi ahita anganya igitego kimwe kuri kimwe ndetse umukino urinda urangira ntampinduka zirabaho.

Kugeza ubu ikipe ya Rayon Sport niyo iyoboye urutonde rw’agateganyo rwa shampiyona n’amanota 40, APR FC ikaza ku mwanya wa kabiri n’amanota 39, mu gihe Musanze inganyije na APR FC iri ku mwanya wa 6 n’amanota 29

Leave a Reply