Assoumani Niyonambaza yahagaritswe by’agateganyo mu mwuga w’itangazamakuru

1
164

Nyuma yo gusuzuma ubujurire bwa Niyonambaza Assoumani umunyamakuru akaba n’umuyobozi w’ikinyamakuru Rugari, ku kibazo yari afitanye na Kaminuza y’Ubugeni n’Ikoranabuhanga ya Byumba.

Komite ndangamyitwarire y’urwego rw’Abanyamakuru b’Igenzura RMC bafatiye imyanzuro Niyonambaza Assoumani n’ikinyamakuru Rugari imyanzuro ikurikira:

Guhagarika by’agateganyo mu gihe cy’amezi atatu umunyamakuru Niyonambaza Assoumani, akamburwa by’agateganyo ikarita y’itangazamakuru kandi bigatangazwa.

Gutegekwa gusaba imbabazi mu nyandiko Kaminuza ya UTAB n’abayobozi bayo  Padiri Prof.Dr Nyombayire Faustin na Madame Jusine Mbabazi.

Gutegeka ikinyamakuru Rugari gutangaza inyandiko inyomoza izatangajwe mbere.

 

Assoumani Niyonambaza yahagaritswe by'agateganyi mu mwuga w'itangazamakuru

Iyi myanzuro ya Assoumani Niyonambaza ifashwe nyuma y’ikirego cyazamuwe na kaminuza ya UTAB ku itariki ya 24 Mata 2016, aho UTAB yahoze yitwa IPB yareze Niyonambaza n’ikinyamakuru Rugari, kwandika inkuru zuzuyemo gusebanya, gushinja ibinyoma,gutera ubwoba  kwaka ruswa n’ibindi.

Ibi byaha byose kaminuza yabishingiye kuri numero y’ikinyamakuru Rugari yasohotse ku wa 10 Mata 2016 yari ifite umutwe ugira uti:IPB Byumba:856,000,000 ku masoko adasobantutse!! Ndetse na numero yasohotse ku wa 12-26 Mata 2016 ifite umutwe ugira utu:Gicumbi: leta nitabare IPB byumba.

Nyuma yo kwakira ibyo birego bya UTAB komite ndangamyitwarire y’Urwego rw’Abanyamakuru b’Igenzura bahuje impande zombi, icyo gihe kaminuza ya UTAB yasabaga Assoumani Niyonambaza n’ikinyamakuru Rugari kugaragaza ibimenyetso bifatika mu byasohotse muri icyo kinyamakuru.

Komite ndanyamyitwarire imaze gusuzuma ibivugwa n’impande zombi, yahanishije Assouman Niyonambaza urukomatanyo rw’ibihano birimo gutangaza mu kinyamakuru Rugari inkuru zinyomoza izatangajwe mbere, gusaba imbabazi mu nyandiko kaminuza yaUTAB n’abayobozi bayo padiri Prof.Dr Nyombayire Faustin na Madame Mbabazi Justine ndetse no kwihanangirizwa mu nyandiko bikozwe na RMC.

Nyuma y’urwo ruhurirane rw’ibihano byituye kuri Niyonambaza Assoumani n’ikinyamakuru Rugari, tariki ya 5 Nyakanga 2016, Niyonambaza yahise ajuririra ibyemezo bya komite ndangamyitwarire y’urwego rw’abanyamakuru bigenzura.

Komite ndangamyitwarire ya RMC
Komite ndangamyitwarire ya RMC

RMC yasabye Assoumani ngo baganire ku bujurire bwe ako kanya Assoumani n’ikinyamakuru Rugari basabye ko babanza bagahura na kaminuza ya UTAB.

Kaminuza ya UTAB yakomeje gutsimbarara isaba ko ubujurire bwa Niyonambaza butahabwa agaciro, ahubwo ko agomba kugaragaza ibimenyetso by’ibyo yanditse.ikindi kandi UTAB yasabye RMC kuyishyikiriza inyandiko ya Assoumani igaragaza ubujurire bwe ndetse bakanayisubiza.

Abajijwe uko yakiriye ubusesenguzi bwakoze ku bujurire bwe, Assoumani Niyonamba yavuze ko ubusanzwe ntacyo apfa na Kaminuza ya UTAB n’abayobozi bayo bayihagarariye muri iki kibazo aribo padiri Prof.Dr Nyombayire Faustin ndetse na Mbabazi Justine.

Ubwo komite ndangamyitwarie muri RMC yamubazaga niba yibuka ibihano byamufatiwe bwa mbere. Assoumani Niyonambaza yavuze ko ibyo bihano byamutunguye kandi ko byubakiye mu guhangabanya uburenganzira bwe,  mu gihe ababuranaga bareshya imbere ya komite ngo yisanze ari guhatwa ibibazo ndetse ngo n’aho yakuye amakuru hateshejwe agaciro.

Nkurunziza Pacifique/touchrwanda.com

1 COMMENT

  1. Itangazamakuru riberaho kwigisha no kumenyesha niba rero assoumani ashobora no kuri koresha aharabika abayobozi byaba bihabanye n’amahame y’itangazamakuru nahanwe niyumva arengana azajurire agaragaze aho yakuye inkuru anatange ibimenyetso byose byamurengera kuko iyo inkuru ifite sources kandi itabangamiye ubusugire bw’igihugu iba yemerewe gutangazwa.

LEAVE A REPLY

Please enter your comment!
Please enter your name here