Australia: Yiyitiriye Justin Bieber none ari mu mazi abira

0
193

Umugabo w’imyaka 42 y’amavuko mu guhugu cya Australia, ubu akurikiranyweho ibyaha birenga 900 bifitanye isano n’ihohoterwa ry’abana rishingiye ku gitsina nyuma yo kwiyitirira Justin Bieber.

Justin Bieber
Justin Bieber

Uyu mugabo wiyitiriye Justin Bieber mu byaha 931 aregwa, harimo ibyaha bitatu byo gusambanya abana ku ngufu ibindi byaha 157 bikaba   bitarabonerwa gihamya.

Umushinjacyaha Jon Rouse yamaganiye kure iki cyaha asaba abakunzi b’ibyamamare (abafana) n’ababyeyi kuba maso bakareba kure.

Yagize ati “Igihamya kuba aba bana batagira ingano bibwiraga ko bashikirana  n’icyamamare byerekana ko hakenewe ubushishozi no gutekereza uburyo twatoza abana bacu uburyo bakwitwara ku mbuga nkoranyambaga.”

Polisi yemeza ko iperereza kandi rikomeje gukorwa n’abayobozi b’inzego zishinzwe umutekano ku isi hose, harimo polisi y’Ubudage na Leta Zunze Ubumwe z’Amerika.

BBC itangaza ko bamwe mu batanze ikirego harimo 50 bakomoka muri Amerika, 6 bakomoka muri Ositaraliya (Australia) abandi 101 baturuka mu bihugu polisi itagaragaje.

Polisi itangaza ko yakoresha imbuga nkoranyambaga zitandukanye zirimo Facebook na Skype ashikirana n’abana.

Uyu mugabo uregwa akaba azitaba ubutabera mu rukiko rwa Brisbane taliki ya 2 Mata 2017.

Yanditwe na Nsanzimana Germain

LEAVE A REPLY

Please enter your comment!
Please enter your name here