Bamwe mu basirikare b’Amerika bivanze muri politiki, bacishijweho akanyafu

0
138

Nyuma y’aho hagaragariye imwe mu modoka ikoreshwa mu ntambara iri kugenda mu muhanda inyuma yaho hariho ibendera rya Perezida Trump rikozwe mu mabara y’ubururu n’umweru, cyera kabaye igisirikare cy’Amerika  cyahannye abari inyuma y’icyo gikorwa.

Amerika

Nyuma y’iki gikorwa amafoto ndetse na videwo byasakajwe cyane hirya no hino ku mbuga nkoranyambaga mu minsi isoza icyumweru cy’ukwezi kwa Mutarama muri leta ya Kentucky, byababaje abatari bacye kuko byari bibusanyije n’amahame agenga igisirikare.

Nyuma  y’ukwezi kumwe ibyo bibaye, igisirikare cy’Amerika cyahise gitangira iperereza ry’imbitse kuri iki gikorwa cyabahesheje isura mbi ku waba abifitemo uruhare wese maze ngo akurikiranwe ahanwe n’amategeko kuri ubu bakaba baramaze gutahura bamwe mu ngabo bari inyuma yabyo gusa byirindwa gushyirwa ahagaragara mu bitangazamakuru.

Lt. Jacqui Maxwell, umuvugizi w’umutwe w’ingabo zidasanzwe (Special force) uri mu itsinda rya kabiri rirebwa n’iki kibazo, yatangarije The Washington Post dukesha iyi nkuru ko ibihano byamaze guhabwa abarebwa n’iki kibazo gusa yirinda kugira icyo yatangaza ku bwoko bw’ibihano aba bakoze ibi bagenewe, cyangwa se umubare w’abagezweho n’ibi bihano.

Nkuko amwe mu mashusho yashyizwe hanze yagiye atavugwaho rumwe na bamwe mu baturage ba Amerika bagaragaza ko bitari bihwitse ko igisirikare cyagira uruhande kibogamiraho mu gihe cy’amatora yari amaze kuba muri leta zunze ubumwe z’Amerika, ko ibyabaye bisa nko kwivanga muri politike kandi bikaba ari ikintu kidasanzwe ku basirikare.

LEAVE A REPLY

Please enter your comment!
Please enter your name here