Batanu bacuruza ibiyobyabwenge batawe muri yombi muri Nyarugenge harimo abagore batatu

0
328
Umuvugizi wa Polisi mu mujyi wa Kigali Supt. Emmanuel Hitayezu
Umuvugizi wa Polisi mu mujyi wa Kigali Supt. Emmanuel Hitayezu

Binyuze ku bufatanye bw’inzego za polisi n’abaturage, mu karere ka Nyarugenge polisi yataye muri yombi  abagera kuriUmuvugizi wa Polisi mu mujyi wa Kigali Supt. Emmanuel Hitayezu yavuze ko abafatiwe mu karere ka           Nyarugenge ari 5 aribo Nyirayuwera Latifa, Akingeneye Roussa,  Mukeshimana Annociate, Ngendahimana Francois, na  Munyensanga Martin, aba bose ubu bakaba bafungiye kuri Sitasiyo ya Polisi ya Nyarugenge mu gihe iperereza rikomeje.

Supt. Hitayezu yavuze ati: “kuwa mbere nimugoroba, nibwo abapolisi bakorera mu Karere ka Nyarugenge bahamagawe n’umuturage wo mu mudugudu w’Umucyo, akagari k’Akabahizi, Umurenge wa Gitega, ababwira ko aho atuye hari abacuruzi b’urumogi. Nibwo mu ma saa kumi n’imwe n’igice abapolisi bagiyeyo basangana bariya uko ari 5 udupfunyika 1625 tw’urumogi.”

Uyu mukwabu kandi ukaba warasize polisi ibonye amakuru y’uranguza uru rumogi uzwi ku mazina ya Mpuyenabo Ramadhan naho aba bandi bose bakaba barafashwe baje kurumuranguraho we agahita atoroka, uwitwa Mukeshimana Annonciata yafashwe amaze kumuranguraho udupfunyika 381.

Umunyamabanga uhoraho muri Minisiteri y’Uburinganire n’Iterambere ry’Umuryango (MIGEPROF) Nadine Umutoni Gatsinzi, yavuze ko ubusanzwe abari n’abategarugori bafatwa nk’abarangwa n’indangagaciro, bakaba badakwiye kurangwa mu bikorwa nk’ibi bihungabanya umutekano.

Yavuze ati: “Nubwo gutunda, gucuruza no gukoresha ibiyobyabwenge ari icyaha gihanwa n’amategeko, ariko na none biiteye isoni kubona umwari cyangwa umutegarugori yijandika muri ibi bikorwa. Twese tuzi ko umubyeyi w’umunyarwanda aba afite inshingano zikomeye zo guha uburere bwiza abana. Iyo izo nshingano ababyeyi baziteshutseho, usanga n’abana bakurikije ingeso mbi z’abo babyeyi babo, bityo ugasanga urubyiruko rw’ejo hazaza nta burere bwiza rugaragaza kuko ababyeyi babo baba babatereranye.”

Uretse aba kandi polisi yataye muri yombi bo muri Nyarugenge, mu karere ka Kirehe mu murenge wa Gatore uwitwa Kubwimana Mathieu nawe yatawe muri yombi akurikiranweho gucuruza ibiyobyabwenge aho yafatanywe ibiro  20 by’urumogi.

Leave a Reply